Metiu 26:75 - Nyindrou

⁷⁵ Ano, Pita bwetenei sahou ta Jises ndratiye ndrala tan anya, “Kakaro baden bwe le, ou kameh besebes anya ou tanam jo bwe san tulusin.” Eme iy iu ili len, ma iy eden andra-i labai.

Metiu 26:75 Referans Kwoze

Metiu 26:34

Jises tiye tan anya, “Handru jo asehek tam. Na ben dah kameh, kakaro baden bwe le, ou kameh besebes anya ou tanam jo bwe san tulusin.”

Tarou ta Jon 13:38

Jises eme tiye i tan ja i buku doh, “Buku sah? Ou winiyan atehei koham marakon eme tek ta aseben jo handru deh? Ou anuhun, jo asehek sahou handru ewek tam, kakaro baden bwe le, ou kameh besebes anya, ou tanam jo bwe san tulusin.”

Galesiya 6:1

Aha nadu tine mwan ma badih, ki buku none aha ari kamekes kandriyen ndra-in, aha are an hamon ta Malawin Ndrabun badeh, kaleheya iy kasahan ta budon mwasin i san ta manamun; arile, bale aha ale ki-in taha, kora-on aha kataku ja.

1 Pita 1:5

Na boto-on tan le, Kindrei badeh, atondrok aha ta maha-an hawe none anya kasahan. Tasah, aha badeh, atehei budon taha mara-ei in tan, ma iy atondrok aha na bolo len mara-ei. Tasah, iy anya kakohok aha mara-ei kala kado hawen, ma iy kameh amekes iri lakou mari doh, ewek taha, ta Jises kameh eme hamon ja.

1 Korin 4:7

I buku sah handru? Are lau handru atehei aha asahan kabin? Iri lakou marakon ere taha kede-eh, Kindrei le ari edeu. Neh? I buku Kindrei edeu lakou mwasin labai ewek taha laleyah, ya buku sah ja, aha atudun nyara aha amwenen, anya, aha le amekes iri lakou nane doh?

Metiu 10:33

Arile, are lau asehek ta ndramak ari ja buku iy badu hawek bwe, jo ale kameh asehek ta tama udu kon loken, buku iy lau doh badu hawek bwe ale.”

Metiu 26:74

Ano Pita tandrakan boto-on labai, “Jo asehek sahou handru, jo tanan ndramak badeh, bo-oh. Buku none jo wasai, Kindrei kamesekei maha-an keme la-uk.” Iy asehek sahou ano le badeh, kakaro eden.