Metiu 26:74 - Nyindrou

⁷⁴ Ano Pita tandrakan boto-on labai, “Jo asehek sahou handru, jo tanan ndramak badeh, bo-oh. Buku none jo wasai, Kindrei kamesekei maha-an keme la-uk.” Iy asehek sahou ano le badeh, kakaro eden.

Metiu 26:74 Referans Kwoze

Rebelesen 3:19

Jo ibolosen i tiri lau, ma asehek nyala kandriyen iri amekes, tasah jo badeh, aso-ok iri labai. Eme ma, aha katubuni ndrine aha, ma katehei budon taha kirih ta a-en hamon ta Kindrei.

1 Korin 16:22

Buku ari ndramak mwan, o, badih iy baso-ok Laban bwe, jo aso-ok iy kakohok maha-an ma sisi-in ndra-in kudu le buku doh. Maranata!

Tarou ta Jon 18:27

Pita besebes ja, iy anya, “Bwe.” Eme ma nawin bwe kakaro eden.

Metiu 10:28

Ado sanoh tiri lau ale winiyan idi bada ado na dah, arile iri winiyan badai malawi ado bwe. Arile ado kanoh labai ta Kindrei, tasah iy winiyan idi malawim ma badam udu bolo jih ale anya udu le buku doh.

La-ukei ta Pol atorou ili tiri lau badu kon Rom 9:3

Ki buku none mwasin eh, jo aseken losen ta Kindrei keme la-uk, ya jo kakohok kon tiri lau ndraye ahi rabuk, keme len ta Krais, ya eme oro le kakohok kohan ta udu le buku doh.

Tarou ta Luk 22:60

Eme Pita anya, “Aden, jo maliye sahou ou asehek badeh!” Pita asehek udu ndra bohon le badeh, kakaro eden.

Tarou ta Mak 14:68

Arile Pita anya ja, “Bwe oh, jo tanan sasah ou asehek kede-eh bo-oh.” Eme ma Pita edek eme madasan le badeh. [Eme ma kakaro eden.]

Tarou ta Mak 14:30

Eme Jises asehek i tan anya, “Handru jo asehek tam. Na ben dah kameh, kakaro baden san lusan bwe le badeh, ou kameh besebes anya ou tanam jo bwe san tulusin.”

Metiu 27:25

Eme iri lau mari anya, “Ndrayen badeh, keme la-u ahi, ma nadu ahi!”

Metiu 26:34

Jises tiye tan anya, “Handru jo asehek tam. Na ben dah kameh, kakaro baden bwe le, ou kameh besebes anya ou tanam jo bwe san tulusin.”

Metiu 26:73

Luwen bwe iri lau areu san ame, ma tiye ta Pita, “Handru labai, ou kede-eh ari ai badu hawe oro, tasah sehek sahou tam kede-eh buku le aliy, handru en!”

Metiu 26:75

Ano, Pita bwetenei sahou ta Jises ndratiye ndrala tan anya, “Kakaro baden bwe le, ou kameh besebes anya ou tanam jo bwe san tulusin.” Eme iy iu ili len, ma iy eden andra-i labai.