Metiu 26:64 - Nyindrou

⁶⁴ Jises asumon bohon anya, “Ou ndrasehek badeh kabwai. Arile jo tiye tado, hamon kameh ado anyolom Nadu Ndramak Awas kameh manyah udu loboho lim salin ta Kindrei iy boto-on labai, ya iy kameh udu bwele-e asi jor badu kandrah eme.”

Metiu 26:64 Referans Kwoze

Tarou ta Mak 14:62

Eme Jises anya, “Ehe, jo adeh badeh. Ya idah kameh aha anyolom Nadu Ndramak Awas kameh manyah udu loboho lim salin ta Kindrei iy boto-on labai, iy kameh udu bwele-e asi jor badu kandrah eme.”

Hiburu 1:3

Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Tarou ta Luk 21:27

Ano amwenen ta lakou doh, asahan kameh, iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Metiu 24:30

“Hamon ta aliy, idah kameh kalem ta Nadu Ndramak Awas asahan bolo kandrah, ya lau mari badu munyak kameh aden, ma iri kameh atou Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Metiu 26:25

Judas, iy lau kameh edeu iy ili mine iri lau ndra-in, ndremenya anya, “Ndramak ta leheya, jo deh bwe?” Jises tiye tan, “Ou ndratiye badeh, kabwai.”

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Rebelesen 20:11

Ano ja, jo anyolom koyeu laba tinan belen ta kabin, ma ndramak ari manyah udu bada koyeu doh. Ma kon munyak hawe kandrah badeh, sakaliye iu ta madan, uru bado ndrahune uru bwena nane ja bwe.

1 Tesalonaika 4:16

Bwe! Kameh asahan i buku doh: Ma mwena kameh Laban ruwani kandrah, ma iy eme andri. Handru, iy kameh aloh boto-on ili tiri lau mwan ma badih kame katukum, ma tinan tiri angelo kameh aloh ale, ma ndrah ta Kindrei kameh ili. Idah kameh, iri mwan ma badih mene ndramak bwena, ma iri atehei budon tiri handru in ta Krais, iri kameh amak ame awas ja, ma bwena handru.

Aposel 1:11

Eme uru anya, “Ado lau badu Galili. Ado ales ado kede-eh, anyolom i kandrah, ta sasah handru? Iy ndramak Jises le doh, kameh, ado anyolom, andrei iy ndra-au ndra kandrah; idah kameh, ado anyolom iy eme andri ja kameh i le buku none ado anyolom iy i loken doh.”

Tarou ta Jon 18:37

Pailat eme ndremenya iy ja, “Ou kabin ari handru, neh?” Jises asehek i tan i buku doh, “Ou anya jo kabin ari, badeh handru. Arile sahou handru bala buku budon tam badeh bwe. Tine atehei jo eme kon munyak ta atiye iri sahou handru, kili tiri lau marakon. Are lau iri an hamon ta sahou handru, kameh anuhun jo.”

Tarou ta Luk 22:70

Eme iri ndremenya iy anya, “Sebwe, ou kede-eh Nadu Kindrei ai?” Eme iy tiye i hamon i toro anya, “Ehe, ado tiye badeh, amwenen handru!”

Metiu 27:11

Jises ales udu bwena ta tinan tiri Rom, ma iy ndremenya iy anya, “Ou kabin tiri Juwis, neh?” Jises anya, “Ou ndrasehek badeh, kabwai.”

La-ukei ta Pol atorou ili tiri lau badu kon Rom 14:10

Eme ya aha anya katiye sahou nyarahan ki ta nadu tine aha rayah ja, anya ki sah? Ma mada aha anya kandra-i ta nadu tine aha rayah ja ki sah? Tasah, taha ndramak ndrasu-u, deh, taha bamak bwe, taha mari kameh ales are mada Kindrei ta sahou.

Metiu 8:20

Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas, badeh, ari ndrahu matinou tek, bwe.”

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”

Metiu 22:44

‘Laban Kindrei tiye i ta Laban tek i buku doh: “Ou ame manyah ado loboho minek salin, winiya jo le baratehei iri lau ta amekes budon ndra-in i tam barado bahandra katim.”’ Wari 110:1

Metiu 28:18

Eme Jises eme mirihik toro ma tiye toro anya, “Boto-on ma lakou mari badu kandrah ma munyak badeh udu minek.

Tarou ta Luk 22:69

Arile, na dah ma na len eme kameh Nadu Ndramak Awas kameh manyah udu loboho lim salin ta Kindrei iy boto-on labai.”