Metiu 26:55 - Nyindrou

⁵⁵ Kala doh Jises asehek tiri lau nane ta ateu iy anya, “Buku sah ya ado ame ma samen hawe kei ta ateu jo, jo ari lau ta amekes ramwes deh? Len mari jo manyah udu bolo asiu tinan ta Kindrei ma jo asehek sahou ma leheya aha, ya aha bateu jo bwe.

Metiu 26:55 Referans Kwoze

Tarou ta Jon 8:2

Udu mandraben ma wahun iy edek eme hamon eme andri ili bolo kowah ta asiu tinan ta Kindrei ja. Iri badih ma mwan ame hawen ja. Jises eme manyah ma iy leheya iri.

Tarou ta Mak 12:35

Jises udu ndra bolo asiu tinan ta Kindrei kahis, eme ma iy leheya iri mwan ma badih ta kandriyen ta Kindrei. Iy tiye tiri anya, “Ya aha kanuhun. Debit badeh, ndramak ndra bwena, arile, bolo len mari lundriyen oro badeh, asahan kahis. I buku sah handru iri lau ta leheya kandriyen tiri Juwis anya ja, Krais badeh, nadu Debit?

Tarou ta Jon 7:28

Jises leheya iri kahis le udu ndra bolo asiu tinan ta Kindrei. Iy asehek sahou bohon a tinan i loken, “Ya, aha tanan jo ma aha tanan jo badu heh handru. Jo bame dah na boto-on tek amwenen bwe. Tama suni jo eme, ma iy badeh, handru. Aha tanan tama bwe,

Tarou ta Jon 7:14

Len taloh ta nyamon tinan tiri Juwis kahis le, Jises eme edek amwenen ili bolo kowah ta asiu tinan ta Kindrei, iy eme leheya iri lau.

Metiu 21:23

Jises iu ili hamon ili asiu tinan ta Kindrei nane ja, ya iy leheya iri lau mwan ma badih ta bolo sahou mwasin. Eme ya iri lau tinan tiri pris ma hawe iri lau-en ame hawen, ya oro ndremenyani iy i buku doh, “Ou akohok boto-on badu heh handru, ma ou amekes iri lakou kede-eh? Are lau atehei nyaran tinan ewek tam ma tiye ou ta amekes iri lahou dah?”

Metiu 26:47

Iy asehek sahou kahis le, Judas, iy badu hawe oro lau ma ronoh la-uh nane, iy edek eme hawen, hawe iri lau solo-an handru en, ma samen ma kei udu mine iri. Iri tinan tiri pris ma ndramak ereu bwena tiri lau suni oro ame.

Tarou ta Mak 10:1

Eme ma Jises hawe oro lau tan ruwani kon Kapena-um, ma oro au ala loboho kon Judiya ereu kapa gwa Jodan bilisiu. Eme ma iri lau solo-an solo-an atukum ame hawen ja, ya eme i buku none kandriyen tan ala iy ndramekes ndramekes ndra-au, eme ma iy leheya iri.

Tarou ta Luk 4:20

Ano Jises lukumwi buk nane dah, ya atehei i mine ndramak ta atondrok, ano ma iy udu andri leheya oro. Eme iri lau mari nane ado asiu ta ndrahu tukum tiri Juwis dah, mada oro asoh ili le tan.

Tarou ta Luk 19:47

Eme na len mari badeh, Jises leheya udu asiu tinan ta Kindrei, arile iri tinan tiri pris, ma hawe iri lau ta leheya kandriyen tiri Juwis, ma hawe iri lau batun tiri lau lomondra ta anya kadai iy.

Tarou ta Luk 20:1

Ano na len ari, Jises leheya iri lau ta bolo sahou mwasin udu bolo asiu tinan ta Kindrei. Eme iri lau tinan tiri pris, hawe iri lau ta leheya kandriyen tiri Juwis, ma hawe iri lau ta batun tiri lau badu Isra-el ame hawen.

Tarou ta Jon 8:20

Jises asehek iri sahou marakon doh badeh, udu bolo len iy leheya iri udu bolo asiu tinan ta Kindrei. Iy ales udu mirihik ta lakou ari ta iri adeu ta ndrahune luk ta nyara salom. Arile ari ndramak babawei iy bwe, tasah len tan handru badeh, kahis le.