Metiu 26:53 - Nyindrou

⁵³ Sebwe ou tanam bwe nadeh? Jo winiyan ndremenya tama, ya iy winiyan suni iri angelo solo-an labai, kane iri sakalawi iri lau ta bahun badu kon munyak tinan ma ronoh la-uh, tukumwi i le se.

Metiu 26:53 Referans Kwoze

Metiu 4:11

Ano ya balik ruwani iy udu, ma iy iu, eme iri angelo ta Kindrei ame bwese-ei Jises ma aseben iy.

Tarou ta Luk 8:30

Eme Jises ndremenya iy, “Nyaram are lau?” Eme iy anya, “Nyarak badeh, Solo-an.” Tasah, malawin ndra-in solo-an ndrado bwele-en badeh nyaran bwe.

La-ukei atorou Jut 1:14

Inok badeh, tinen edeu iy jaha sabe hamon labai ta Adam. Eme ya Inok asehek sahou propet ta nyala iri lau solo-an nane bolowa sahou ta Kindrei, i buku doh, “Aha kanyolom! Laban eme kameh, hawe iri angelo tan solo-an labai, taha winiyan bandromwei bwe.

2 Tesalonaika 1:7

Ma iy ale anya kakohok maha-an, aha bwese doh ki-iu, ma iy anya kedeu amunyau kewek taha, ma aso ale. Lakou doh kameh asahan, na len Laban Jises hawe iri angelo tan boto-on, iri are kandrah ame andri, ma asahan ame lewan. Iy kameh eme hawe jih laba tinan, ma nyarahan labai.

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

Tarou ta Mak 5:9

Eme Jises ndremenyani iy, “Nyaram are lau?” Eme iy anya, “Nyarak badeh, Solo-an, tasah aso nyaran bwe!”

Tarou ta Mak 5:15

Iri ame hawe Jises ma iri anyolom ndramak nane malawin ndra-in mene udu la-un nane dah manyah udu andri ai. Iy ndratani kolau ma budon tan ndramwenen ja ai. Eme ma iri anoh.

Tarou ta Jon 10:18

Ari ndramak winiyan bandrei kohak ba-au bwe. Na tanan ma budon tek le amwenen jo edeu kohak iu. Boto-on ta adeu ma boto-on ta akohok eme hamon badeh, tek amwenen. Sahou batanau dah jo akohok badu mine tama amwenen.”

Tarou ta Jon 18:36

Jises anya, “Boto-on ta tondrok tek badeh, badu kon munyak dah bwe; i buku boto-on ta tondrok tek badu kon munyak, badeh kameh iri lau tek winiya amekes bahun hawe iri Juwis, ta iri sandrei jo same hawem. Arile boto-on ta tondrok tek badeh, badu kon rakon ja.”