Metiu 26:41 - Nyindrou

⁴¹ Ado kanyolom ma ado kasolom ki ta Kindrei ta ado sataku sala bolo kandriyen ndra-in. Ndrine ado aso-ok handru ta amekes gok, arile oda ado badeh, boto-on handru bwe.”

Metiu 26:41 Referans Kwoze

Tarou ta Luk 22:46

Eme iy anya, “Ado amadin ta sasah? Ado kamak kasolom ki ta Kindrei ta ado sataku sala bolo kandriyen ndra-in.”

Tarou ta Mak 14:38

Ado kanyolom ma ado kasolom ki ta Kindrei ta ado sataku sala bolo kandriyen ndra-in. Ndrine ado aso-ok handru ta amekes gok, arile oda ado badeh, boto-on handru bwe.”

Epesus 6:18

Iri lakou doh, aha kamekes hawe salom, ma kandremenya Kindrei ta aseben aha. Aha badeh, kasolom ta iri lakou marakon aha amekes, na boto-on ta Malawin Ndrabun. Ma aha ale katehei ndrokei kamwenen labai, ma aha winiyan bajos bwe. Len marakon aha kasolom ta aseben iri mwan ma badih ta Kindrei.

Metiu 6:13

Ma ou satehei aso sala bolo iri none. Arile, ou sebenei aso ta sala bolo kandriyen ndra-in ta balik.

Tarou ta Luk 21:36

Arile, na len mari, mada ado kaleu hawe ado kasolom, eme ya ado winiyan ales boto-on ma ado winiyan teleyani lakou doh kameh asahan. Ma hawe ado winiyan ales are mada Nadu Ndramak Awas.”

Rebelesen 16:15

“Aha ari ari kanuhun! Jo Jises, jo kameh ewek i buku ndramak ta bahana! Eme buku are mwan o badih, iy atehei ndrokei amwenen na bolo len mara-ei, ma lowosani kolau tan kudu mirihik tan, iy kameh winiyan badek ndrakane mada iri lau, ma iri lau winiyan banyolom badan bwe. Iy lau doh badeh, kasekesek.”

1 Korin 16:13

Aha katehei ndrokei kamwenen ta Krais kameh eme hamon ja. Ma aha kales boto-on ta budon taha ari le. Aha kabadok kado le, ma aha sanoh.

1 Pita 5:8

Aha kalokou aha ma mada aha kaleu, tasah balik ale ta amekes bahun eme tataha badeh, edek ili eme ta takaleh iri lau mwan ma badih, ta amekes ndra-in ki tiri. Iy badeh, ndra-in labai, buku none ari layon. Iy anyur boto-on labai, ta nohowa iri bwisir tan, ma iri anoh, ya iri sakaliye. Ma iy kameh atikah iri, ma adai iri ta aimon. Balik ale anya kamekes kandriyen buku doh kewek taha.

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

2 Pita 2:9

Ya, i buku idoh handru eh, badeh, Kindrei tanan labai ta aseben iri lau ta amekes kandriyen mwasin ado ta bolo iri maha-an. Ma iy ale tanan labai ta tawi iri lau ta amekes kandriyen ndra-in ado abe-en len ta sahou, ma iy kameh edeu maha-an i la-u iri. Maha-an hawe isi i tiri badeh, kameh udu la-u iri udu le gwek ai, ta abe-en le len ta mada sahou ta Kindrei barasahan.

Metiu 24:42

“Aha kanyolom kamwenen, tasah aha tanan saba len Laban taha eme hamon, bwe.

Rebelesen 3:10

Aha badeh, a-en hamon ta sahou tek, ma aha ales boto-on labai tiri maha-an marakon. Eme ma, jo kameh atondrok aha ta iri lakou anya kasahan ta none iri mwan ma badih badu kon munyak mara-ei, idoh kameh winiya bandruni aha bwe.

1 Pita 4:7

Len ta kon munyak ta ano ndrame mirihik labai, eme ma aha kabudon kamwenen, ma mada aha kaleu, ya aha katondrok iri kandriyen taha kamwenen. Idoh kameh aha winiyan asolom amwenen.

Tarou ta Luk 22:40

Oro asos badeh, Jises tiye i toro anya, “Ado kasolom ki ta Kindrei ta ado, sataku sala bolo kandriyen ndra-in.”

Galesiya 5:24

Eme, are lau oro badu hawe Jises Krais badeh, ndrasani san ta kandriyen ta bada oro satondrok oro. Idoh i le buku oro ndratahi so-ok ndra-in ta bada oro kimek ki-in bada kei tondreh.

1 Korin 9:27

Jo bwidi badak amwenen i buku bonyo-ou tek. Jo a-um badak amwenen ta amekes iy kabadok ta bahun. Jo amekes i buku doh, tasah, kora-on jo kasehek sahou mwasin kili tiri mwan ma badih rayah, ano Kindrei kameh asehek eme tek i buku doh, “Ou ndramalin mara-ei.”

Metiu 25:13

“Eme ya, ado kanyolom kamwenen, tasah ado tana ado bwe, saba len, ma saba mada an handru, kameh iy eme hamon ja.

Metiu 26:38

Iy tiye toro anya, “Jo tikisiy labai, ma jo anya kimek. Ado kado dah ma mada ado katele hawek.”

La-ukei ta Pol atorou ili tiri lau badu kon Rom 8:3

Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

Tarou ta Luk 11:4

Ou mani kandriyen ndra-in taso, i le buku aso mani kandriyen ndra-in toro are lau le, amekes eme taso. Ma ou satehei aso sala bolo iri none, ndri-iy.’ ”

Tarou ta Luk 8:13

Ya buwa wit taku udu bwele-e bek badeh, i buku none lau rayah ai. Oro doh badeh, sekesek ta anuhun sahou ta Kindrei, arile kandro oro badeh, barih bala andri handru bwe. Ya oro badeh, atehei budon handru, arile bado luwen bwe, eme ya buku none ndrine sen asahan deh, ndra-i asahan toro badeh, oro taku.