Metiu 26:39 - Nyindrou

³⁹ Eme Jises edek ili bwena sese, ma iy taku i le batalan. Eme ma iy asolom i buku doh, “Tama, buku none winiyan eh, ou kuhi maha-an ta tikisiy udu bwele-ek dah ki-iu, arile idoh budon tek le, ou amekes saba lakou ou tanam mwasin.”

Metiu 26:39 Referans Kwoze

Tarou ta Jon 6:38

Jo udu kandrah ndrame andri. Jo eme ta amekes lahou na budon tek le bwe. Jo eme ta amekes iri lahou na budon ta tama, iy nane suni jo eme.

Pilipai 2:8

Iy atehei iy amwenen iu ili andri handru ma anuhun taman Kindrei, ma bwese bwilima ili ma imek i bada kei tondreh.

Metiu 26:42

San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”

Hiburu 5:7

Len ta Jises mwena mene iy edek udu ndra kon munyak, iy amekes iri salom ma iy asolom ili ta Kindrei. Iy tanan idah kameh Kindrei winiyan aseben iy ta iy winiyan bamak bwe. Eme ma iy asolom ma eden boto-on labai ili tan. Iy anuhun ndrelen ta nadun, tasah iy atehei iy mara-ei iu ili andri labai.

Tarou ta Jon 5:30

“Jo winiyan bamekes lakou na budon tek le ari bwe. Jo edeu iri lau ala ta mada sahou in hamon ta sahou ta tama, iy asehek eme tek. Ma mada sahou tek badeh, amwenen, tasah jo bamekes lakou na budon tek amwenen bwe. Jo amekes lakou in hamon ta tama, iy nane suni jo eme.

Tarou ta Jon 14:31

Arile, iri lau marakon badu kon munyak katanan, jo badeh, aso-ok tama tinan labai, tasah jo amekes iri lakou marakon badeh, iy le tiye jo ta amekes.” Ano iy tiye oro lau tan, “Ado kame, to ka-au kala rasi ja.”

Tarou ta Jon 18:11

Jises anyolom ili ta Pita ma iy asehek sahou i tan anya, “Ou atehei samen tam ki hamon bolo awin ja! I buku sah handru? Bwesam ta sisi-in nane doh, tama atehei eme tek, jo sa-un sala aliy ai?”

Tarou ta Jon 11:41

Iri ame tundruwi bek udu mada lek nane ili len. Ano Jises anyolom ili kandrah, ma iy asehek sahou, “Tama jo edeu wurah i tam ta ou anuhun jo.

Metiu 20:22

Jises anuhun sahou doh ma iy asumon i buku doh, “Ado tana ado saba lakou ado ndremenya kede-eh bo-oh! Sebwe ah winiyan a-un na bwiniu jo kameh a-un na aliy dah nadeh?” Uru asumon, “Aru winiyan.”

Metiu 24:24

Tasah, idah kameh, krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma iri ale anya kanone iri lau ala budon ta Kindrei udu tiri kataku.

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Jenesis 17:3

Eme Abram aluh i andri ma bulin i andri bada munyak, ano Kindrei anya eh,

Aposel 10:25

Eme Pita ili bolo asiu le badeh, Koniliyus asumon iy, ano iy i andri na bwili ndru-un ta sekesek iy.

Tarou ta Luk 17:16

Iy eme morahani iy udu kati Jises edeu wurah i tan. Ma iy ndramak nane doh badeh, badu Samariya.

Tarou ta Mak 13:22

Tasah, idah kameh krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma ale anya kanone iri lau ala budon ta Kindrei udu tiri badeh, kataku.

Tarou ta Jon 5:19

Arile, Jises asehek i toro i buku doh, “Handru labai jo tiye tado, Nadu Kindrei winiyan bamekes lakou laleyah bwe. Iy winiyan amekes, buku iy atou taman amekes. Tasah, saba lakou taman amekes, nadun ale amekes.