Metiu 26:28 - Nyindrou

²⁸ Tasah, idah ndrayek ta sahou randra le, ndrayek amou ta sikine lau mari ta kandriyen ndra-in tiri.

Metiu 26:28 Referans Kwoze

Metiu 20:28

Idoh le Nadu Ndramak Awas eme ta iri lau kabo gok i tan bwe. Iy eme ta aseben iri, ma ta edeu kohan ta akunoh lau mari.”

Rebelesen 7:14

Jo eme tiye i tan i buku doh, “Ndramak tinan tek, ou amwenen badeh, tanam iri, jo bwe.” Ma iy asehek eme tek i buku doh, “Iri lau mwan ma badih mara-ei kede-eh mene ado bolo maha-an hawe sisi-in ame len, ma iri amak udu mine iri lau ndra-in ta bahun. Iri badeh, atehei iri budon tiri mara-ei in ta Jises le ari, ma iri akohok boto-on ta ndraye Nadu Sipsip ta amekes bahun hawe kandriyen ndra-in. Idoh i buku iri sikine awin tiri na ndrayen, ma asahan belen mara-ei.

1 Korin 11:25

Oro aimon nyamon ano, iy eme kuhi bwiniu, eme iy amekes sahou i buku le bwena nane i buku doh, “Bwiniu waen dah, kalem ta sahou randra le ha-un ja, ta ndrayek amwenen. Len marakon aha atukum ta a-un waen dah, badeh, aha abudon jo.”

1 Jon 2:2

Ya, Krais le badeh, i nyara salom ta sikine ma mani kandriyen ndra-in tataha mari iu. Iy amekes lahou doh badeh, ta aseben taha le bwe, iy amekes ta aseben lau mara-ei badu kon munyak.

Hiburu 13:20

Kindrei mene mete-ei Laban tataha Jises. Eme ma iy asahan ndramak mwasin labai ta atondrok taha mwan ma badih buku sipsip. Tasah, ta ndrayen mene amou, eme iy tutuniy ma bwidi sahou randra le doh abadok ta ere le buku doh. Kindrei badeh, kati manyah mwasin tataha. Eme ma, jo aso-ok iy katehei iri kandriyen mwasin mari doh kewek taha, ta aha ka-en hamon ta tanan tan. Ma jo aso-ok, iy kaleheya kandriyen mari kasahan bolo taha, buku iy amwenen aso-ok. Kandriyen doh asahan ta Jises Krais, iy amwenen aseben taha ta amekes. Taha katudun ma kamasiye nyaran kudu le buku doh. Handru!

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.

Epesus 1:7

Ya, Krais bwidi kandriyen mwasin labai ndrame tataha. Iy imek ta konohei taha ame hamon, ma ndrayen amou ta sikine kandriyen ndra-in tataha marakon.

Kolosi 1:14

Na gok nadun amekes, tama taha Kindrei ndrakonohei taha ndrame hamon, ma iy ndrasikinei kandriyen ndra-in tataha ndra-au.

Tarou ta Luk 22:19

Ano Jises kuhi jabi ramen, iy edeu wurah i ta aliy, ano iy boso-ei i noro ma iy anya, “Idah odak amwenen. [Jo edeu ta aseben ado. Ado kamekes kandriyen ki le buku doh ta abudon jo.”

Kolosi 1:20

Kindrei badeh, atehei nadun asahan bwele-en ta atondrok taha. Tasah, ta ndraye Krais amou udu bada kei tondreh, Kindrei anya kamekes lakou marakon kasahan ari le hawen; iri lakou badu munyak, ma hawe iri lakou badu kandrah ale. Ya, Krais badeh, ndrabwidi boto-on ta kandriyen marakon ta amekes bahun marakon doh, udu ndrokowa Kindrei hawe iri balik mari badeh, ndrano ndra-au.

La-ukei ta Pol atorou ili tiri lau badu kon Rom 5:19

Ndramak ari le, iy tebelese boho Kindrei, eme ta kandriyen ta tebelese tan nane doh, eme bwidi lau mara-ei asahan lau mwan ma badih mara-ei ta amekes kandriyen ndra-in. I buku le, ndramak ari le, iy in hamon tiri sahou batanau, ta kandriyen tan le doh, lau mwan ma badih solo-an kameh winiya asahan lau mwan ma badih mwasin labai ta mada Kindrei.

Tarou ta Mak 14:24

Eme Jises tiye i toro ja, “Idah ndrayek ta sahou randra le, ma idah kameh amou ta lau mari.

Rebelesen 7:9

Iri lakou mara-ei asahan madak nane doh amai iu, ano jo anyolom iri mwan ma badih, solo-an labai atukum are le se, ma ari mwan o badih winiyan bandromwei kane iri bwe. Iri lau doh badu kon munyak tinan mara-ei, ma iri badu boho kamen mari, ma bada iri badeh, randrah, randrah, ma iri badu boho kon rakon rakon badu munyak mara-ei. Iri lau mari doh badeh, ales are bwena ta koyeu ta kabin, ma mirihik ta Nadu Sipsip ta Kindrei. Iri nyosowani iri na awin lawe-en belen mara-ei, ma iri tawi la-u badou udu mine iri.

La-ukei ta Pol atorou ili tiri lau badu kon Rom 5:15

Arile, kandriyen ndra-in ta Adam nane iy amekes, ma tikisiy ta Kindrei bala le randra bwe. Winiyan bwe-en! Kandriyen ndra-in ta ndramak ari le badeh, eme bwidiy, ma iri lau mwan ma badih solo-an amak. Arile, boto-on ta tikisiy ta Kindrei badeh, udu bwele-en labai ja ta boto-on ta imek, ma asahan solo-an labai ja ta iri mwan ma badih. Ta tikisiy ta ndramak ari le nyaran Jises Krais, Kindrei badeh, bwidi taha asahan lau mwan ma badih mwasin labai ta madan, ma idoh ndramas ari mwasin labai iy edeu eme tataha.

Tarou ta Mak 1:4

Ya eme Jon ta alomwa asahan bolo kon lomale an ta atiye sahou mwasin ma inyu iri lau, ma tiye tiri katubuni ndrine iri, ma Kindrei kameh sikine kandriyen ndra-in tiri mara-ei iu.

Metiu 6:12

Ou mani kandriyen ndra-in taso, i le buku aso mani iri kandriyen ndra-in iri amekes eme taso.

Metiu 26:27

Ano iy kuhi bwiniu waen, ma iy edeu wurah i ta aliy, ano iy edeu wa-i oro lau tan, iy anya, “Ado mari ka-un.

Metiu 26:29

Jo asehek tado, jo kameh winiyan ba-un ndraye buwa waen dah hawe ado ja bwe, winiya le len jo kameh a-un ja i san ha-un hawe ado udu bolo tondrok ta tama amwenen.”

Tarou ta Luk 22:20

Ano i le buku aliy, nyamon ano badeh, iy kuhi bwiniu waen, ma iy anya, “Bwiniu waen dah, kalem ta sahou randra le ha-un ja, ta ndrayek amou ewek ta aseben ado mari.]

Hiburu 10:29

Ya, taha winiyan atanan handru, are mwan o badih atehei konan i ta Nadu Kindrei, iy kameh akohok maha-an tinan labai. Tasah, ndraye sahou randra le ta Krais mene bwidi ndramak doh asahan ndrabun. Arile, iy ndramak nane doh ja amekes ndraye sahou randra le i buku ari lakou ndra-in laleyah. Ma iy ale amekes kandriyen ndra-in handru, ili ta Malawin Mwasin ta Kindrei, iy nane tikisi taha.