Metiu 26:26 - Nyindrou

²⁶ Kala oro aimon nyamon doh, Jises kuhi jabi ramen, ma iy asolom i la-un, iy boso-ei i noro lau tan, ma iy anya, “Ado kakohok ma ado kaimon, idah odak amwenen.”

Metiu 26:26 Referans Kwoze

Aposel 20:7

Ano na len ma mwena ta wik ari ja badeh, aso atukum ame le se ta abo-os jabi ramen. Tasah, Pol badeh, anya ki-iu na len bi-i, ya iy asehek sahou ili tiri lau ili, ili asahan ndrukulu ben.

1 Korin 10:4

Iri marakon badeh a-un gwa doh mene na boto-on ta Malawin Mwasin ta Kindrei edeu ili wa-i iri. Ya iri a-un gwa udu ta bek, Kindrei mene atehei udu aliy. Ya bek nane doh leheya buku Malawi Krais, iy amwenen mene udu hawe iri ta aseben iri.

Aposel 2:46

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

Tarou ta Luk 24:30

Eme Jises manyah hawe uru udu andri ndrahu nyamon badeh, andrei jabi ramen ma edeu wurah i ta aliy. Ano iy boso-ei ma edeu i nuru.

Tarou ta Mak 6:41

Eme Jises andrei jabi ramen ma limeh hawe ni ma la-uh dah, iy eme anyolom iu i loken bolo kandrah, ma iy edeu wurah i ta Kindrei. Ano iy boso-ei jabi ramen dah, ma iy edeu ili mine oro lau tan. Eme oro ala adeu ili winiya iri lau mari, ma Jises ale boso-ei ni ma la-uh ma oro adeu i le winiya iri ale.

Metiu 14:19

Eme ya Jises tiye tiri lau mwan ma badih ta kamanyah ka-en andri bada bwidiu. Eme iy kuhi jabi ramen ma limeh ma hawe ni ma la-uh nane, ya iy anyolom iu i loken bolo kandrah, ma iy edeu wurah i ta Kindrei. Ano iy boso-ei jabi ramen dah ma iy edeu ili mine oro lau tan, ma oro lau tan adeu i niri lau mwan ma badih.

Metiu 26:27

Ano iy kuhi bwiniu waen, ma iy edeu wurah i ta aliy, ano iy edeu wa-i oro lau tan, iy anya, “Ado mari ka-un.

Tarou ta Luk 22:17

Ano, Jises kuhi bwiniu ma iy edeu wurah, ma edeu salom, ma tiye anya, “Ado ka-un waen dah, a sese le ki winiya ado.