Metiu 26:24 - Nyindrou

²⁴ Nadu Ndramak Awas kameh imek i buku le tarou mene ndratorowenei ta nyalan. Arile sisi-in laba tinan kameh i bwele-e ndramak iy ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

Metiu 26:24 Referans Kwoze

Tarou ta Luk 24:46

Eme iy asehek i toro anya, “Sahou mene ndratorowenei asah i buku doh: Krais badeh, bwese maha ma iy imek, ya na len taloh ja kameh iy amak ja.

Metiu 18:7

“Sisi-in tinan labai kameh i bwele-e iri lau badu kon munyak, iri nane amekes ndramak ari ja taku ta kandriyen ndra-in. Handru, iri kandriyen ndra-in doh kameh asahan. Arile jo tikisiy handru ta ndramak mesekei asahan.

1 Korin 15:3

Jo ndrasehek taha ta sahou laba tinan labai, sahou nane doh jo akohok bwena. Moso sahou nane i buku doh: Krais mene imek badeh, ta talou taha ado ta kandriyen ndra-in tataha marakon ame len, i buku le ndratorowenei udu bolo buk ndrabun ta Kindrei.

Tarou ta Jon 17:12

Len jo udu ndra hawe oro, jo atondrok oro udu mwasin labai, are bahandra boto-on ta nyaram, ou mene tondrohon jo. Jo turuki oro na aliy, eme oro mari are mwasin. Iy ari le toro kameh amai iu mara-ei. Idah kameh iri sahou marakon udu bolo buk ndrabun asahan eme lewan handru.

Tarou ta Luk 22:22

Nadu Ndramak Awas kameh imek, ya sahou ta aliy bwai. Idoh in hamon ta seken ta Kindrei le. Arile sisi-in laba tinan kameh i bwele-e ndramak iy ale atehei iy ili mine iri lau ndra-in.”

Tarou ta Mak 14:21

Tasah, Nadu Ndramak Awas kameh imek buku le none tarou mene ndratorowenei ta nyalan. Arile, sisi-in laba tinan kameh i bwele-e iy ndramak nane ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

Metiu 26:54

Arile, buku none jo kamesekei buku doh, sahou ta Kindrei ereu bolo buk ndrabun tan kameh basahan handru bwe. Buk ndrabun ta Kindrei anya, iri lakou doh kasahan tek.”

Tarou ta Mak 9:12

Eme iy tiye i toro anya, “Sahou badeh, handru. Alaija eme bwena handru ta lowosa iri lakou mari. Ya i buku sah handru ja sahou mene torowenei anya idah kameh Nadu Ndramak Awas kameh akohok sisi-in solo-an ma iri kameh bwale iri iy?

Metiu 26:56

Arile iri lakou mari dah asahan ta amekes sahou iri propet mene ndratorowenei asahan i handru.” Eme oro lau ta Jises mari ruwani iy ma oro atobwak au.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Aposel 4:28

Oro amekes doh badeh, in hamon le ta budon ma seken tam, ou ndrasehek.

Aposel 2:23

Bwena mene Kindrei ndratanan iri lakou kameh asahan hamon, ma iy bwidi iri lakou asahan na le tanan ma seken tan. Eme ma, ado badeh, atehei iy i mine iri lau ndra-in, ma iri atahi iy imek i bada kei tondreh.

Tarou ta Jon 19:28

Jises tanan ta iri gok tan mara-ei ndrano ai. Iy eme aloh, “Balek ndramar ta gwa.” Iy asehek doh ta amekes sahou udu bolo buk ndrabun eme asahan handru.

Tarou ta Jon 19:24

Iri asehek ili tiri ari, ari, “To satarani awin tan mwasin dah, to kamekes laki ta aliy. To kanyolom are handru kameh andrei.” Lakou nane dah bwidiy amwenen ta sahou udu bolo buk ndrabun asahan handru, “Iri andromwei iri awin tek ili le winiya iri. Iri amekes nyorei laki ta awin tek.” Wari 22:18 Iri kandriyen marakon nane doh, iri lau ta bahun amekes.

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

Metiu 26:31

Ano Jises tiye toro i buku doh, “Ado mari kameh ruwani jo, ma sakaliye au na ben dah, tasah iri ndratorowei bwena udu bolo buk ndrabun i buku doh, ‘Jo kameh idi ndramak ta tondrok, ya iri sipsip tan kameh aseker laleyah.’ Sekaraya 13:7