Metiu 25:6 - Nyindrou

⁶ “Na ndrukulu ben alih, iri anuhun ndramak ari aloh i buku doh, ‘Iy ndrame, ndramak ta tasou ndrame! Aha kame katou iy.’

Metiu 25:6 Referans Kwoze

2 Pita 3:10

Arile, len ta Laban ta eme hamon ja kameh i le mani tur, i buku le lau ta bahana. Ma idah kameh Laban mesekei lakou mari badu bolo kandrah kameh atohou i buku kurutuwe lakou atohou. Ya lakou mari badu bolo munyak kameh ako-oh na jih ma lakou mari badu bwele-e munyak kameh amai iu laleyah.

Metiu 25:1

“Tondrok ta Kindrei udu kandrah i buku le oro badih bihin ma ronoh. Ndramak ari anya ki tasou. Eme ma, iri badih bihin doh bwese-ei sun toro ta ala ndruni iy in san ma tiyani iy eme ta molak.

Metiu 24:44

Ya buku none aha ale, aha kalokou aha na len mari. Tasah, Nadu Ndramak Awas kameh asahan na len aha batehei budon ta iy eme bwe.

Metiu 24:31

Ya kurutuwe ndrah kameh anyar tinan labai, ma iy kameh suni oro angelo tan au ala kati jor ma hahuw ereu bolo munyak dah, ta atukum iri lau tan, ala budon tan udu tiri, ereu kon ranah ili taku ranah ame hawen.

Rebelesen 16:15

“Aha ari ari kanuhun! Jo Jises, jo kameh ewek i buku ndramak ta bahana! Eme buku are mwan o badih, iy atehei ndrokei amwenen na bolo len mara-ei, ma lowosani kolau tan kudu mirihik tan, iy kameh winiyan badek ndrakane mada iri lau, ma iri lau winiyan banyolom badan bwe. Iy lau doh badeh, kasekesek.”

1 Tesalonaika 4:16

Bwe! Kameh asahan i buku doh: Ma mwena kameh Laban ruwani kandrah, ma iy eme andri. Handru, iy kameh aloh boto-on ili tiri lau mwan ma badih kame katukum, ma tinan tiri angelo kameh aloh ale, ma ndrah ta Kindrei kameh ili. Idah kameh, iri mwan ma badih mene ndramak bwena, ma iri atehei budon tiri handru in ta Krais, iri kameh amak ame awas ja, ma bwena handru.

Tarou ta Luk 12:46

Ya, na len ari, tinan ta ndramak nane ta gok kameh eme hamon na len iy ndramak nane tanan bwe. Tinan tan kameh sani iy i lunah, ma mesekei iy akohok maha-an buku le iri lau ta tebelese mene.

Tarou ta Luk 12:20

“Arile, Kindrei tiye i tan anya, ‘Balem bwe, na ben dah kameh ou amak; ya lakou tam mari doh kameh ki tare bah?’

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

Metiu 25:5

Ndramak nane ta tasou bame suwi bwe, ya oro badih nane mada oro amadin, ya oro amadin.

Metiu 25:7

“Eme oro badih ma ronoh nane amak, mine oro i ta sun toro, anya katelem ja.