Metiu 25:10 - Nyindrou

¹⁰ “Eme oro badih ma limeh nane adek au ala hamon ala asih toro ndrelekei, oro adek ala anya kasih le badeh, ndramak ta tasou nane asahan, ya oro limeh nane ndralowosani oro ma oro abe-en iy, oro au ala bolo asiu hawen, ma oro aimon nyamon ta tasou nane, ma iri sulu-i kou ihis.

Metiu 25:10 Referans Kwoze

Tarou ta Luk 13:25

Eme ya ki buku none, ndramak ta ali asiu udu bolo asiu, ya iy kasulu-i kou kili, ya ado badeh, kare manan, kaloh anya, ‘Laban, ou sulu-i kou, aso anya kawek asiu.’ Arile ndramak ta ali asiu kameh anya, ‘Ado badu heh badeh? Jo tanan ado bwe oh!’

1 Pita 1:13

Ya, budon taha kaleu kudu mwasin, ma aha kabudon tekedek taha kamwenen. Ya, aha katehei budon taha ki ta Kindrei ta abe-en iy, ta amekes iri lakou mwasin nane iy anya kedeu kewek taha. Idoh kameh asahan na len iri lau mari badu kon munyak anyolom Jises Krais eme hamon ja.

Metiu 24:44

Ya buku none aha ale, aha kalokou aha na len mari. Tasah, Nadu Ndramak Awas kameh asahan na len aha batehei budon ta iy eme bwe.

Rebelesen 22:20

Iy lau doh asehek sahou ta nyala iri lakou marakon nane anya, “Ehe, jo kameh ewek, nawin bwe!” Handru! Laban Jises, ou ame!

Metiu 25:6

“Na ndrukulu ben alih, iri anuhun ndramak ari aloh i buku doh, ‘Iy ndrame, ndramak ta tasou ndrame! Aha kame katou iy.’

2 Timoti 4:8

Ya, ndramas ari udu aliy abe-en jo. Ndramas doh i buku barak ari ta kandriyen mwasin labai jo ndramekes ta bolo nyorei. Laban badeh, anuhun sahou ta lau amwenen labai, ma udu ta len ta sahou, iy kameh edeu barak doh eme tek, ma i tare lau ja nane atehei budon tiri in ta anyolom iy eme hamon ja.

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

Kolosi 1:12

ma adeu wurah i ta tama taha Kindrei. Iy kameh bwidi aha winiyan ta akohok iri lakou iy ndralowosaniy ta ewek taha udu kandrah. Ma aha kameh winiyan akohok lakou doh hawe iri mwan ma badih ta Kindrei are lomada sun tan.

Metiu 7:21

“Ado sabudon sala buku doh, ‘Iri lau mari aloh Jises i Laban iri winiyan ala bolo tondrok ta Kindrei udu kandrah.’ Arile, oro le lau ala amekes lahou ta tama udu kandrah.

Metiu 24:42

“Aha kanyolom kamwenen, tasah aha tanan saba len Laban taha eme hamon, bwe.

Metiu 24:43

Arile, budon tado kaleu ta tanan doh: Buku tama asiu i tanan, saba ben handru iri lau ta bahana kameh ame apou asiu tan, iy kameh winiyan bamadin bwe, iy kameh atehei ndrokei, tasah iy winiyan bamukuni iri lau ame apou asiu tan bwe.

Tarou ta Luk 12:35

“Ado badeh, kanyasou, hawe kalokou ado, ma katelemei sun tado kudu le, koro-an lakou kasahan,

Rebelesen 19:7

Nadah badeh, ndrine taha kudu mwasin ma taha kasekesek, ma katudun nyaran! Tasah, len ta tasou ta Nadu Sipsip badeh, ndrasahan. Ya, badih tan badeh, ndranyosowani iy.