Metiu 24:5 - Nyindrou

⁵ Iri lau solo-an kameh ame anya iri asehek sahou tek ma anya, ‘Jo dah Krais.’ Ya iri kameh wendreyani lau solo-an.

Metiu 24:5 Referans Kwoze

Metiu 24:24

Tasah, idah kameh, krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma iri ale anya kanone iri lau ala budon ta Kindrei udu tiri kataku.

Metiu 24:11

Iri propet solo-an ta wasai kameh asahan, ma iri kameh wendreyani iri lau solo-an.

1 Jon 2:18

Wurah lomada ado naduk ta nyara Krais, len ta munyak dah ta udu badeh, ndrame mirihik labai ta ano ai. Buku none aha ndranuhun, lau ta kaliu hawe Krais kameh asahan. Ya, idah, iri lau solo-an ta kaliu hawe Krais ndrasahan ai. Eme ma taha ndratana taha, len ta munyak ta ano badeh, ndrame mirihik ai.

Tarou ta Jon 5:43

Jo eme dah badeh, ta nyara tama. Arile aha baso-ok sahou tek bwe. Buku ari ndramak keme, iy kamasiye nyaran, idah kameh aha anuhun sahou tan ai.

Rebelesen 13:8

Iri lau mara-ei badu kon munyak ale, nyara iri bado bolo buk ta Kindrei bwe, udu ndra bada len Kindrei mene amekes kon munyak, iri mara-ei doh kameh winiyan bakohok kohan handru bwe, arile iri kameh atudun nyara nyabwe ndras nane. Buk doh badeh, buk ta ndramak konen i buku Nadu Sipsip ta Kindrei, bwena mene iri lau adai iy imek.

Tarou ta Jon 8:24

Jo ndratiye taha, ta aha kameh amak ma ndra-in taha. Buku aha batehei budon taha bame tek bwe, buku, ‘Jo iy ndramak nane iy ta udu le buku doh,’ aha kameh amak hawe kandriyen ndra-in taha.”

Tarou ta Jon 8:28

Jises eme asehek ili tiri ja, “Buku aha ndratudun Nadu Kindrei ere bada kei tondreh, ma aha kameh atanan, jo iy ndramak nane iy udu le buku doh. Ma jo winiyan bamekes iri lakou na le budon tek le bwe. Jo asehek dah buku tama ndraleheya jo.

1 Jon 2:22

Are lau iri ta wasai? Iri lau le nane ale bisini anya Jises badeh, Mesaya bwe. Iri lau buku doh badeh, iri ta wasai, iri batehei Kindrei uru nadun Jises Krais badeh, bado ndrine iri bwe. Eme ma iri asahan lau ta kaliu hawe Krais.

1 Jon 4:3

Arile, buku none are mwan o badih basehek sahou nane doh ta nyala Jises bwe, iy badeh, Malawin Ndrabun bareu la-un bwe. Idoh malawin ndra-in ale nane aha ndranuhun iy kameh eme. Iy ale ta amekes kaliu hawe Krais, ma na len dah badeh, iy edek bolo kon munyak ai.