Metiu 24:45 - Nyindrou

⁴⁵ “Are lau iy mwasin ta gok, ma iy budon mwasin? Iy don adeh, tinan tan ndratehei tondrok tiri lau tan ra-on ja ndra-en bahandran ta adeu niri nyamon na len ari ari, iy le tanan.

Metiu 24:45 Referans Kwoze

Metiu 25:21

“Tinan tan anya, ‘Lohowan tek, ou ndramak mwasin, ou ndranyowo-ei lakou nadu bwisik, idah kameh jo mesekei ou atondrok lakou tinan; ou ala bolo kon tek ta sekesek.’

Metiu 25:23

“Tinan tan tiye tan, ‘Ou ndramak mwasin; Ou ndranyowo-ei lakou nadu bwisik, idah kameh jo mesekei ou atondrok lakou tinan, ou ala bolo kon tek ta sekesek.’

Hiburu 3:5

Moses badeh, buku ndramak ta amekes lahou ta Kindrei, iy in hamon handru ta sahou ta Kindrei, ma iy amekes gok in asiu tan. Gok tan ta tiye iri lakou Kindrei asehek ta aliy kameh asahan hamon.

2 Timoti 2:2

Ya, iri sahou marakon ou ndranuhun jo ndrasehek udu bolo iri lau, idoh ou andrei, ma ou asehek kili tiri lau rayah ja, iri katondrok kamwenen, ma iri winiyan leheya iri lau rayah ja ale.

1 Timoti 1:12

Jo edeu wurah i ta Krais Jises, Laban tataha, tasah iy le badeh, edeu boto-on eme tek. Iy anyolom jo badeh, ta anuhun sahou, eme iy atehei lahou tan eme kanik jo amekes dah.

Rebelesen 2:13

Jo tanan, iri lakou ndra-in asahan kon nane aha are aliy badeh. Satan badeh, ndratondrokei iri mwan ma badih rayah badu loboho badeh, ma iy udu koyeu tan ma ndrasahan kabin handru! Bwena mene, iy ndramak Antipas badeh, iy ndramak ari ta atiye sahou tek, iy udu hawe aha, ma iy in hamon handru tiri sahou tek. Eme ma, iri lau badu loboho badeh, adai iy imek udu kon tiri lau ta Satan are aliy. Na len dah, aha baruwani budon taha udu tek bwe le. Aha badeh, a-en hamon tek kahis, ma aha batone budon doh bwe le.

Aposel 20:28

Ado badeh, katondrok ado kamwenen, ma hawe katondrok lau ta Kindrei mene Malawin Ndrabun atehei iri ado baha tondrok tado. Ado badeh, a buku lau ta atondrok sipsip, ado katondrok iri lau ta budon handru ta Kindrei, ala iy mene konohei iri na ndraye nadun amwenen.

Tarou ta Luk 19:17

“Eme kabin tan anya, ‘Lohowan tek, ou mwasin handru. Ou tondrokei luk nadu bwisik asahan sola, ou kameh atondrok kon tinan ronoh udu baha tondrok tam.’

Metiu 13:52

Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

Metiu 10:16

Jises asehek sahou ili ja buku doh, “Ado kanuhun! Jo kasuni ado buku none le sipsip ili bolo iri mwi badu lokei. Arile, ado kamekes budon ki mwasin buku none le mwak amekes, arile ado samekes kandriyen ndra-in ta amekes ndra-in ili bada ndramak ari ja. Aha kasahan ki buku le sirih aloh ban ale ba-um ari lakou bwe.

Metiu 25:2

Oro limeh badeh bale oro bwe, ya oro limeh oro tanan labai.

Metiu 7:24

Jises asehek ili le i buku doh, “Sendrehendreh ta aliy i buku doh: Are lau anuhun sahou tek dah ma iy in hamon ta aliy, iy i buku none ndramak tan budon mwasin, iy atah asiu tan udu bwele-e bek.

Metiu 24:46

Sekesek handru in bwele-e ndramak doh, buku none tinan tan eme takalahi iy amekes gok tan mwasin.

Tarou Ta Nyala Rut 2:6

Eme ndramak ta atondrok oro lau tan anya, “Iy badih bihin kodo-oh, iy badu kon Mowap. Iy in hamon ta Nawomi, uru ame dah.