Metiu 24:24 - Nyindrou

²⁴ Tasah, idah kameh, krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma iri ale anya kanone iri lau ala budon ta Kindrei udu tiri kataku.

Metiu 24:24 Referans Kwoze

Tarou ta Mak 13:22

Tasah, idah kameh krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma ale anya kanone iri lau ala budon ta Kindrei udu tiri badeh, kataku.

Metiu 24:11

Iri propet solo-an ta wasai kameh asahan, ma iri kameh wendreyani iri lau solo-an.

Metiu 7:15

Jises asehek ili le i buku doh, “Ado katondrok ado kamwenen handru tiri propet ta wasai. Iri ame hawe ado kameh bilibik ala buku none iri sipsip, ta bada oro le. Arile udu bolo ndrine oro badeh, oro ala buku none iri mwi ndra-in ta atoh.

Metiu 24:5

Iri lau solo-an kameh ame anya iri asehek sahou tek ma anya, ‘Jo dah Krais.’ Ya iri kameh wendreyani lau solo-an.

2 Pita 3:17

Eme ya ado kawas tek ta budon handru, ado mene ndratanan eh, ya eme ado badeh, katondrok ado kudu mwasin. Eme ya iri lau ta tabelese ta batanau ta Kindrei doh, saluwi ado same len, ya sataku ta budon handru tado, i ta Kindrei ma ta sahou handru tan.

Rebelesen 19:20

Arile, iy ndramak doh tawi nyabwe munyak doh, ma atehei iy udu bolo asiu lulik hawe propet ta wendreya. Iy propet ta wendreya doh mene, amekes iri kalem solo-an ma lahou tinan labai udu mada nyabwe munyak, ma hawe malawin. Ma, na iri kalem solo-an ma lahou tinan doh, iy wendreyani iri lau mene ndrandrei kalem ta nyabwe munyak, hawe atudun malawin. Nyabwe munyak ma hawe propet ta wendreya doh badeh, iri akahei uru ma mulin au ala andri bolo lek ta jih anya na bek solpa, asun uru.

1 Jon 5:18

Taha tanan, are lau ndrasahan nadu Kindrei, iy kameh winiyan bamekes kandriyen ndra-in bala ja bwe. Tasah, Nadu Kindrei Jises badeh, atondrok iy, ma tama balik Satan winiyan bamekes ndra-in bala tan bwe.

2 Timoti 2:19

Arile, sahou ta Kindrei kameh asahan buku iy mene ndratiye. Iri lau a-en hamon ta Kindrei, iri kameh a buku ndru, Kindrei ndratahiy, ma ales udu le ta atah asiu ili bwele-en. Ma udu ta ndru doh badeh, Kindrei torowenei sahou randra i buku doh: “Laban badeh, ndratanan iri mwan ma badih tan.” Namba 16:5 Ya, “Are lau anya, iri ta Kindrei ma Kindrei atondrok iri, ya iri katehei kona iri kili ta kandriyen bamwenen bwe.”

Tarou ta Jon 6:39

Idah badeh, budon tan, iy suni jo eme ta jo samani iri lau nane iy ndraleheyani iri ndrame tek. Buku len hamon, jo kameh kamete-ei iri ja.

Tarou ta Jon 6:37

Iri lau, tama abudon ta edeu iri ame tek, idah kameh iri ame hawek handru. Buku are lau iy anya keme hawek, jo kameh winiyan batikahei iy ba-au bwe.

1 Pita 1:5

Na boto-on tan le, Kindrei badeh, atondrok aha ta maha-an hawe none anya kasahan. Tasah, aha badeh, atehei budon taha mara-ei in tan, ma iy atondrok aha na bolo len mara-ei. Tasah, iy anya kakohok aha mara-ei kala kado hawen, ma iy kameh amekes iri lakou mari doh, ewek taha, ta Jises kameh eme hamon ja.

Galesiya 4:15

Aha mene sekesek handru ta kandriyen mene jo ndramekes. Eme na dah ja, saba lakou ndramesekei aha? Bwena mene, aha winiyan baso-ok jo kameh imeson o barah ta ari lakou bwe-en. Na bolo len bwena mene doh, aha winiyan sekesek ta aha sudi mada aha amwenen, ma atehei eme tek, ta aseben jo.

La-ukei ta Pol atorou ili tiri lau badu kon Rom 12:18

Ou samekes losen sala ta ari ndramak, ndri-iy; arile i buku winiyan eh, ou manyah amunum le ado hawe iri.

Aposel 20:16

Eme Pol atehei budon ta aso kasakalawi Epesus ta teleya aso badeh, sare loboho munyak tinan badu Esiya sado luluwen. Tasah, iy ibotatahan ta ili isos Jerusalem na len tinan ta Pentikos.

Metiu 22:14

“Ado kanuhun. Kindrei aloh taha mari. Arile iy ndralebelei ndramak ari, ari ta ili bolon.”

Metiu 24:22

Arile, Kindrei ndrasani kane len doh. Ya i buku none iy basaniy bwe, ari ndramak winiyan basakalawiy bwe. Arile, toro lau le nane Kindrei ndranyowonyani oro, iy kameh sani len doh kameh a mo-on.

Metiu 24:25

Aha ndranuhun! Jo ndratiye taha bwena.

Metiu 24:31

Ya kurutuwe ndrah kameh anyar tinan labai, ma iy kameh suni oro angelo tan au ala kati jor ma hahuw ereu bolo munyak dah, ta atukum iri lau tan, ala budon tan udu tiri, ereu kon ranah ili taku ranah ame hawen.

Tarou ta Luk 18:7

Ado abudon i buku sah handru i ta Kindrei? I buku none lau ta Kindrei amwenen, kaden ki tan na len na ben mara-ei. Ado anya idah kameh Kindrei ndrawoyah, ma iy winiyan banuhun boho oro bwai?

Tarou ta Jon 4:48

Jises eme tiye i tan i buku doh, “Buku aha banyolom lahou tinan hawe iri kalem bwe, aha kameh winiyan batehei budon taha bame tek bwe.”

1 Jon 2:18

Wurah lomada ado naduk ta nyara Krais, len ta munyak dah ta udu badeh, ndrame mirihik labai ta ano ai. Buku none aha ndranuhun, lau ta kaliu hawe Krais kameh asahan. Ya, idah, iri lau solo-an ta kaliu hawe Krais ndrasahan ai. Eme ma taha ndratana taha, len ta munyak ta ano badeh, ndrame mirihik ai.

1 Jon 2:22

Are lau iri ta wasai? Iri lau le nane ale bisini anya Jises badeh, Mesaya bwe. Iri lau buku doh badeh, iri ta wasai, iri batehei Kindrei uru nadun Jises Krais badeh, bado ndrine iri bwe. Eme ma iri asahan lau ta kaliu hawe Krais.