Metiu 24:15 - Nyindrou

¹⁵ “Hamon kameh aha anyolom ‘lakou munya-un ndra-in’ Daniyel 9:27; 11:31; 12:11 propet Daniyel mene tiye, lakou doh munya-un ndra-in ales udu kon ndrabun ta iy sare aliy. (Are lau anyolom sahou dah iy kabudon kamwenen.)

Metiu 24:15 Referans Kwoze

Tarou ta Mak 13:14

“Idah kameh aha anyolom ‘lakou munya-un ndra-in’ Daniyel 9:27; 11:31; 12:11 ales udu kon ndrabun ta iy sare aliy. (Are lau anyolom sahou dah iy kabudon kamwenen.) Are lau iri are kon Judiya katobwak kala bolo mandrei.

Tarou ta Luk 21:20

“Ya, i buku none ado katou iri lau ta bahun kawudi Jerusalem, badeh, ado tanan ai, mirihik kameh Jerusalem atokos ai.

Rebelesen 1:3

Are lau anyolom sahou ta propet ta Kindrei dah, ta lakou anya kasahan hamon iri winiyan sekesek. Ma are lau ta Kindrei anuhun ma in hamon ta aliy, iri kameh winiyan sekesek handru. Tasah, len ndrasahan ndrame mirihik labai ta Kindrei kameh amekes iri lakou doh, iy mene ndratiye ta aliy.

Tarou ta Luk 19:43

Na len eme kameh iri lau ta amekes bahun ewek tado kameh tabadah munyak eme loke anyek kon tado. Ma iri kameh awudi kon tado mari, ma turuki madasan mari awek bolon.

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

Aposel 6:13

Eme iri amekes budon laleyah ma iri wasai anya, “Iy lau doh badeh, asehek sahou ndra-in i bada kandriyen malen hawe kon ndrabun.

Rebelesen 3:22

I buku ndranye aha udu aliy, jo aso-ok aha kanuhun saba lakou handru, Malawin Mwasin asehek ili tiri lau ta Kindrei.’ ”

Aposel 21:28

Iri arah ma aloh i buku doh, “Aha lau badu Isra-el, aha kame kaseben aso. Iy lau dah le adeh, leheya lau badu kon mara-ei, iy bobose iri lau tataha, ta kandriyen malen ta Moses, ma asiu tinan ta Kindrei ale. Ya, iy bamekes kandriyen dah le bwe. Iy akohok iri lau badu Grik ale ame bolo asiu tinan ta Kindrei, ma iri bwidi ndrahune Kindrei nane leheya iy amwenen udu aliy, ma bwidi ajah ta madan.”

Tarou ta Jon 11:48

I buku taha bamekes ari lakou bwe, idah kameh iri lau marakon atehei budon tiri, ma iri an hamon tan. Ano, iri lau ta bahun badu Rom ame kameh tohowei asiu tinan ta Kindrei tataha iu, ma andrei iri lau tataha marakon au.”

Metiu 24:16

Are lau iri are kon Judiya katobwak kala bolo mandrei.