Metiu 24:14 - Nyindrou

¹⁴ Sahou mwasin dah nyala tondrok ta Kindrei kameh tiyaniy ili isos kon mari, ta iri lau marakon kanuhun, ano kon munyak dah barano.

Metiu 24:14 Referans Kwoze

Rebelesen 14:6

Udu hamon ta lakou doh ano badeh, jo anyolom angelo ari atah ili bolo kandrah. Gok tan badeh, ta atiye sahou mwasin kameh ta udu le buku doh, ili tiri mwan ma badih mara-ei are kon munyak. Iy asehek ili tiri mwan ma badih badu kon munyak tinan mara-ei, tiri boho kamen mari, tiri boho kon rakon rakon badu kon munyak mari, ma ili tiri mwan ma badih bada iri randrah ja.

La-ukei ta Pol atorou ili tiri lau badu kon Rom 10:18

Ya eme jo lelen i buku doh, iri ndranuhun sahou mene deh bwe? Ehe, iri ndranuhun oh! Buk ndrabun tiye, “Sahou badu boho oro ndraseker bolo munyak mari, ma sahou badu boho oro, lau badu len loboho heh, loboho heh ndranuhun kabwe.” Wari 19:4

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

Metiu 10:7

Ado kala kasehek nyala iri buku doh, ‘Mirihik kameh Kindrei eme atondrok iri lau badu kon munyak.’

Metiu 9:35

Hamon ta aliy, Jises edek ili bolo iri kon tinan ma bwisik mari, ma iy leheya iri in bolo asiu ta atukum tiri. Iy atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin tan. Ma Jises ale mesekei iri lau mari tiri sik in bada iri amwenen ja.

Metiu 24:6

Ado kameh anuhun kurutuwe bahun ereu mirihik, ma yoyou ta bahun ereu len. Arile, budon tado sandra-i, ndri-iy. Iri lakou doh kameh asahan bwena op, arile lakou mari ta ano kameh, kahis le.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Aposel 17:6

Arile, iri batakalahei uru bwe, eme iri seheyani Jesen hawe oro lau rayah ta Kindrei ame ales are mada iri lau mwena ma aloh anya, “Oro lau ala amekes losen udu bolo kon munyak mari, Jesen luhi oro ala asiu tan asah idah. Oro mari badeh, aluwi budon tiri lau eme len tiri batanau ta kabin badu Rom Sisa, ma tiye i tiri ta nyala kabin ari ja aloh Jises.”

Rebelesen 3:10

Aha badeh, a-en hamon ta sahou tek, ma aha ales boto-on labai tiri maha-an marakon. Eme ma, jo kameh atondrok aha ta iri lakou anya kasahan ta none iri mwan ma badih badu kon munyak mara-ei, idoh kameh winiya bandruni aha bwe.

Aposel 20:25

“Ya, jo mene edek ewek bolo ado atiye sahou ta nyala tondrok ta Kindrei. Arile, na dah jo tanan idah kameh, ado winiyan banyolom jo ja bwe.

Metiu 24:3

Jises eme manyah udu bwele-e mandrei Olip, oro lau tan aton le ame ndremenya iy anya, “Ou tiye keme taso, na saba len handru kameh lakou doh kasahan? Ya saba kalem kameh leheya aso buku none len tam ta eme hamon, ma kon munyak ano.”

Rebelesen 16:14

Oro basen ma taloh doh badeh, malawi oro ndra-in labai, ta amekes iri kalem solo-an hawe lahou tinan. Oro ma taloh badeh, ala hawe iri kabin marakon tiri mwan ma badih badu kon munyak. Iri anya katukum iri kala le se kamekes bahun kameh udu bada len laba tinan ta Kindrei, boto-on mara-ei udu tan.

Tarou ta Luk 4:5

Ano ja, balik andrei iy uru ala loke, suwi suwi iy leheya iy ta kon tinan mari badu munyak, iri kabin atondrok.

Aposel 1:2

eme, eme taku na len andrei Jises iu i kandrah. Idoh, udu hamon ta iy edeu batanau na boto-on ta Malawin Ndrabun i toro aposel tan, iy mene ndralebelei.

Aposel 11:28

Eme iy ari badu hawe oro badeh, nyaran Agabus, ales ere loken asehek sahou na boto-on ta Malawin Ndrabun anya, “Idah kameh, kon mari badu loboho tondrok ta Rom kameh nyamon bwe.” Idoh badeh, asahan na len Klodiyas atondrok kon).

Metiu 18:19

Ya jo asehek ja ewek tado. Buku none ah la-uh lau badu kon munyak atehei budon ta ah i se ta ari lakou, ya ah asolom ta amekes, o, ta akohok lakou doh, mwasin tama udu kandrah winiyan atehei ewek ta-ah.

Tarou ta Luk 2:1

Na len doh Sisa, ndramak ta atondrok nyaran Akustus, suni sahou i tiri lau mari badu bahandra tondrok ta Rom katorou nyara iri, ma kondrek kane iri lau.

Tarou ta Mak 13:10

Eme ma sahou mwasin badeh, katiye mwena op, ki tiri kon marakon.

Aposel 17:31

Tasah, iy ndrasani len ta iy kameh aleben lau badu kon munyak mari, na ndramak ari mwasin labai iy ndratehei lahou dah ndra minen. Iy badeh ndraleheyani lakou doh ndrasahan handru ndrame len mada lau mari i san ta iy suni iy amak ta imek tan eme loken.”

Aposel 19:27

Ya idoh kameh atehei bohosak eme ta lahou tato ta aliu luk nyaran kameh andra-i. Ya idoh le bwe, idah kameh, ma atehei bohosak i ta asiu ta atudun kindrei Atemis ari moson bwe. Ma idah kameh, lomada kindrei badih tiri lau mari badu Esiya ma hawe munyak mari ta atudun kameh atokos.”

Hiburu 1:6

Na len Kindrei anya katiye nadun ari le keme andri kon munyak, iy eme asehek: “Iri angelo ta Kindrei katehei bwili ndru-u iri ki andri kili tan.” Dutoronomi 32:43

Hiburu 2:5

Taha kasehek ma katehei budon tataha kili ta munyak ha-un, Kindrei kameh amekes hamon. Iy batehei bala bahandra iri angelo tan bwe.