Metiu 24:13 - Nyindrou

¹³ Arile, are lau tawiy ili isos munyak ano, Kindrei kameh winiyan akohok iy i hamon ja.

Metiu 24:13 Referans Kwoze

Metiu 10:22

Ya iri lau mari kameh baseken ado bwe, tasah ado badeh, an hamon ta sahou tek. Arile, are lau ales boto-on, ma baruwani budon tan ba-au tek bwe, winiya le len ta maha-an doh ano, Kindrei kameh andrei iy eme hamon.

Rebelesen 2:10

Hamon kameh, aha akohok sisi-in ma bwese maha-an, arile aha sanoh ta aliy. Aha kanuhun! Balik kameh atehei iri mwan ma badih rayah badu bolo aha ala bolo kou, ta none budon taha. Ma aha kameh akohok sisi-in ma bwese maha-an ili winiya le len ma ronoh. Arile, aha saruwani budon taha handru udu tek. Aha katawiy kihis budon taha handru kili, winiya le len iri adai ou amak. Ma idah kameh jo edeu taha kohan handru ta udu le buku doh, i nyara ndramas taha.

Tarou ta Mak 13:13

Ya iri lau mari kameh baseken aha bwe, tasah aha badeh, an hamon tek. Arile, are lau tawi iy ili isos munyak ano, Kindrei kameh winiyan akohok iy i hamon ja.

Hiburu 10:39

Ya, taha bala buku iri lau rayah ale ndratobwak ndra-au, ma ndra-au kede-eh, bwe. Arile, taha a buku le iri lau atehei budon tiri in ta Kindrei, idah kameh taha winiyan bamak bwe, ma taha kameh ta are le buku doh.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

1 Korin 1:8

Iy le kameh tondrokei aha ado mwasin ili winiya le len hamon. Buku len doh Jises Krais eme hamon ja ta anuhun sahou tataha, ari ndramak winiyan basehek taha ta lakou ndra-in ja bwe.

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

Metiu 24:6

Ado kameh anuhun kurutuwe bahun ereu mirihik, ma yoyou ta bahun ereu len. Arile, budon tado sandra-i, ndri-iy. Iri lakou doh kameh asahan bwena op, arile lakou mari ta ano kameh, kahis le.

Metiu 24:12

Kandriyen ndra-in solo-an kameh asahan, ma iri lau solo-an kameh ruwani kandriyen ta aseken ndramak ari ja.

Tarou ta Luk 21:19

Arile, i buku none ado le kabadok ado, idah kameh, ado le winiyan sebenei koha ado handru.