Metiu 23:8 - Nyindrou

⁸ “Arile lau saloh ado ‘ndramak ta leheya,’ ndri-iy. Tasah ndramak ari le, iy ndramak tinan ta leheya ado, ya ado mari badeh, nadu tine ado.

Metiu 23:8 Referans Kwoze

Jemis 3:1

Aha nadu tine mwan ma badih, aha mari sasahan ndramak ta bwena ta leheya iri mwan ma badih ta kandriyen Kindrei aso-ok. Tasah, udu bolo len ta Kindrei aleben kandriyen tiri mwan ma badih mari, iy ale kameh seleya amwenen labai iri gok tataha lau nane ta areu bwena ta leheya iri mwan ma badih mari.

1 Pita 5:3

Aha samekes kandriyen buku none aha an bwena tiri bonyo-ou, ma lau ndrahu so-ok, ya aha banuhun sahou tiri lau nane Kindrei ndratehei iri ndrawek bahandra aha ta atondrok bwe. Arile, aha kamekes le iri kandriyen mwasin, ma aha kasahan buku none iri lau an bwena ta leheya san mwasin ili tiri lau.

Tarou ta Luk 22:32

Arile, Saimon, jo badeh, ndrasolom ta budon handru tam sataku. Ya, i buku none ou taku, ou badeh, tubuni ndrinem ma ou aseben budon toro kirih ja.”

Metiu 23:10

Ya iri saloh ado ‘ndramak ereu bwena,’ ndri-iy, tasah ndramak ari le ereu bwena, iy Mesaya o Krais.

Metiu 17:5

Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

Rebelesen 1:9

Jo Jon, jo nadu tine aha lau ta Jises. Jo badu hawe aha ta bwese maha-an ma akohok sisi-in, jo udu bilisiu ta Kindrei hawe aha. Ma taha mara-ei ales are le se atadau taha ta bwese maha-an. Jo mene atiye sahou ta Kindrei, ma jo asehek ta jo amwenen badeh, atehei budon tek mara-ei in ta sahou handru ta nyala Jises. Eme ma iri lau tinan badu Rom badeh, tikahei jo, ma atehei jo ili bolo kou udu busu ari, iri aloh Patmos.

Rebelesen 22:9

Arile, iy anya, “Ndri-iy, ou samekes! Jo Kindrei bwe! Jo ale amekes gok i buku le ou, ma hawe nadu tinem oro, iri propet, ma hawe iri lau anuhun sahou badu bolo buk dah ma a-en hamon ta aliy. Aha marakon katudun Kindrei le ari!”

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Epesus 3:15

Iy le amwenen tondrohon nyara taha lau tan marakon nane atehei budon handru in tan le, iri mwan ma badih ndramak bwena, ma ado kandrah, ma taha mwan ma badih ado ndra awas are kon munyak kahis.

2 Korin 4:5

Ehe, sahou dah handru, tasah ahi badeh, batiye sahou tahi bwe. Ahi atiye sahou i buku doh: Krais Jises, iy badeh, Laban tataha, ma ahi lau ta gok taha, tasah Jises aloh ahi ta amekes iri gok doh.

2 Korin 1:24

Na len jo asehek “Jo ibolosen ewek taha” jo basehek anya ahi atondrok budon taha bwe. Ahi tanan aha ales boto-on ta budon taha. Ahi abo gok le hawe aha, ta amekes aha kasekesek.

Metiu 26:49

Judas ales amwenen ili hawe Jises ma iy anya, “Ei, ou ndramak ta leheya!” Ma iy atehei bohon i boho Jises.

Metiu 10:25

Arile, buku none ari ndramak ta akohok tanan asahan buku none ndramak ta leheya iy, mwasin. Ya buku none ari bonyo-ou asahan buku none ndramak ta atondrok iy, mwasin. Iri lau tinan badu Isra-el tondrohani jo tama boho kamen, nyarak Belsabul. Ya idoh ado katana ado, iri kameh tondrohani nyara ado i le ndra-in labai, tasah, ado lau mwan ma badih an hamon tek.”

Metiu 23:7

Ya oro anya lau mari kasumon oro na len ta baen. Ma oro anya lau kaloh oro ‘ndramak ta leheya.’

Metiu 26:25

Judas, iy lau kameh edeu iy ili mine iri lau ndra-in, ndremenya anya, “Ndramak ta leheya, jo deh bwe?” Jises tiye tan, “Ou ndratiye badeh, kabwai.”

Tarou ta Mak 9:5

Eme Pita atou lakou doh ya iy asehek ta Jises i buku doh, “Ndramak ta leheya, mwasin handru ta aso are ndra kada-ah, ya aso katahi taloh mandron kudu dah, ra-em tam, ra-em ta Moses, ma ra-em ta Alaija.”

Tarou ta Mak 10:51

Iy edek ili isos le badeh, Jises tiye i tan i buku doh, “Ou aso-ok jo kamekes sasah ki tam?” Eme ndramak madan kaseu dah anya, “Ndramak ta leheya, jo anya kanyolom kon ja.”

Tarou ta Mak 11:21

Ya Pita, balen bamaniy bwe, eme iy anya, “Ou anyolom, ndramak ta leheya, kei pik mene ou tiye sahou boto-on i ta aliy, badeh, ndrasara mara-ei!”

Tarou ta Mak 14:45

Eme Judas isos le badeh, iy edek ales amwenen ili hawen ma anya, “Ndramak ta leheya!” Ma iy atehei bohon i boho Jises.

Tarou ta Jon 1:38

Mada Jises anya keme hamon badeh, iy anyolom lau la-uh adek an hamon tan. Iy eme ndremenyani uru, “Ah aso-ok sah handru?” Uru ame asehek ili tan, “Ndramak ta leheya, ou ado heh handru?”

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Tarou ta Jon 3:2

Na ben ari Nikodemus ili anya kasehek sahou hawe Jises, eme ma iy asehek anya, “Ndramak ta leheya, ahi tanan, ou badeh, Kindrei suni ou ame ta leheya ahi. Ou badeh, ado hawe Kindrei ame. Ari ndramak winiyan bamekes kalem hawe lahou tinan buku ou amekes kede-eh bwe, tasah Kindrei badeh, udu hawen.”

Tarou ta Jon 3:26

Ano badeh, oro lau ta Jon ala asehek i tan, “Ndramak ta leheya, iy ndramak mene udu hawem, udu kapa gwa Jodan bilisiu loboho rai, ou mene asehek iy; na len dah badeh, iy inyu iri lau, idah iri lau alih le hawen ai.”

Tarou ta Jon 4:31

Iri lau adek kahis le, oro lau tan asehek sahou boto-on ili tan, “Ndramak ta leheya, ou aimon se nyamon.”

Tarou ta Jon 6:25

Iri ame ala ndruni iy udu kapa gwa li bilisiu. Iri ame ndremenyani iy, “Ndramak ta leheya, saba len handru ou asahan dah?”

Tarou ta Jon 9:2

Oro lau tan ame ndremenya iy, “Ndramak ta leheya, are lau handru amekes kandriyen ndra-in? Iy ndramak kodo-oh deh, bwe taman uru tinen amekes, ma bwidi madan bwe?”

Tarou ta Jon 11:8

Oro lau tan ame asehek ili tan, “Ndramak ta leheya, na le mene badeh, iri Juwis badu loboho Judiya anya korou ou na bek, arile ou anya ala hamon ala kon doh ja?”

Tarou ta Jon 20:16

Jises anya, “Mariya.” Mariya tubuni iy amwenen tan, ma iy aloh i boho iri Hiburu anya, “Raboni!” (Moso sahou Raboni badeh, “Ndramak ta leheya.”)

Pilemon 1:16

Arile, nadah kameh iy winiyan bado hawem ma asahan buku bonyo-ou ja bwai. Iy badeh, ndrasakalawi kandriyen doh. Ya, jo abudon iy nadu tinek handru, jo ma hawe ndrinek aso-ok iy tinan labai. Ya, ou winiyan abudon iy i buku bonyo-ou tam ma nadu tinem i san ta Laban ale, ma ndrinem mara-ei kaso-ok iy labai, i buku le jo mene aso-ok iy handru.