Metiu 23:7 - Nyindrou

⁷ Ya oro anya lau mari kasumon oro na len ta baen. Ma oro anya lau kaloh oro ‘ndramak ta leheya.’

Metiu 23:7 Referans Kwoze

Tarou ta Jon 1:38

Mada Jises anya keme hamon badeh, iy anyolom lau la-uh adek an hamon tan. Iy eme ndremenyani uru, “Ah aso-ok sah handru?” Uru ame asehek ili tan, “Ndramak ta leheya, ou ado heh handru?”

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Tarou ta Jon 20:16

Jises anya, “Mariya.” Mariya tubuni iy amwenen tan, ma iy aloh i boho iri Hiburu anya, “Raboni!” (Moso sahou Raboni badeh, “Ndramak ta leheya.”)

Tarou ta Jon 6:25

Iri ame ala ndruni iy udu kapa gwa li bilisiu. Iri ame ndremenyani iy, “Ndramak ta leheya, saba len handru ou asahan dah?”

Tarou ta Jon 3:26

Ano badeh, oro lau ta Jon ala asehek i tan, “Ndramak ta leheya, iy ndramak mene udu hawem, udu kapa gwa Jodan bilisiu loboho rai, ou mene asehek iy; na len dah badeh, iy inyu iri lau, idah iri lau alih le hawen ai.”

Tarou ta Jon 3:2

Na ben ari Nikodemus ili anya kasehek sahou hawe Jises, eme ma iy asehek anya, “Ndramak ta leheya, ahi tanan, ou badeh, Kindrei suni ou ame ta leheya ahi. Ou badeh, ado hawe Kindrei ame. Ari ndramak winiyan bamekes kalem hawe lahou tinan buku ou amekes kede-eh bwe, tasah Kindrei badeh, udu hawen.”

Tarou ta Mak 10:51

Iy edek ili isos le badeh, Jises tiye i tan i buku doh, “Ou aso-ok jo kamekes sasah ki tam?” Eme ndramak madan kaseu dah anya, “Ndramak ta leheya, jo anya kanyolom kon ja.”

Tarou ta Mak 9:5

Eme Pita atou lakou doh ya iy asehek ta Jises i buku doh, “Ndramak ta leheya, mwasin handru ta aso are ndra kada-ah, ya aso katahi taloh mandron kudu dah, ra-em tam, ra-em ta Moses, ma ra-em ta Alaija.”

Metiu 23:8

“Arile lau saloh ado ‘ndramak ta leheya,’ ndri-iy. Tasah ndramak ari le, iy ndramak tinan ta leheya ado, ya ado mari badeh, nadu tine ado.

Metiu 11:16

“Arile, jo kasehek iri lau na len dah ki buku sah handru? Iri badeh, i buku none le iri nah nadu bwisik manyah areu mada ba-en. Ra-on arah i ta ra-on i buku doh,

Metiu 26:25

Judas, iy lau kameh edeu iy ili mine iri lau ndra-in, ndremenya anya, “Ndramak ta leheya, jo deh bwe?” Jises tiye tan, “Ou ndratiye badeh, kabwai.”

Metiu 26:49

Judas ales amwenen ili hawe Jises ma iy anya, “Ei, ou ndramak ta leheya!” Ma iy atehei bohon i boho Jises.

Tarou ta Mak 11:21

Ya Pita, balen bamaniy bwe, eme iy anya, “Ou anyolom, ndramak ta leheya, kei pik mene ou tiye sahou boto-on i ta aliy, badeh, ndrasara mara-ei!”

Tarou ta Mak 12:38

Jises leheya iri mwan ma badih kahis ma iy tiye tiri udu bolo leheya tan anya, “Mada aha kaleu tiri lau ta leheya kandriyen tiri Juwis. Iri aseken adek ala ame na kolau moroyan lawe tiri, eme iri anya lau mari kasumon iri na len ta baen.

Tarou ta Mak 14:45

Eme Judas isos le badeh, iy edek ales amwenen ili hawen ma anya, “Ndramak ta leheya!” Ma iy atehei bohon i boho Jises.

Tarou ta Luk 11:43

“Ya ado Parasi, mada ado kaleu! Sisi-in laba tinan ale kameh ewek bwele-e ado! Tasah, ado badeh, aseken le ta manyah ado bada bwabwai mwasin udu ndrahu tukum taha Juwis. Ma hawe ado badeh, aseken lau le badeh, kasumon ado hawe kamasiye ado an bolo ba-en.

Tarou ta Jon 4:31

Iri lau adek kahis le, oro lau tan asehek sahou boto-on ili tan, “Ndramak ta leheya, ou aimon se nyamon.”

Tarou ta Jon 9:2

Oro lau tan ame ndremenya iy, “Ndramak ta leheya, are lau handru amekes kandriyen ndra-in? Iy ndramak kodo-oh deh, bwe taman uru tinen amekes, ma bwidi madan bwe?”

Tarou ta Jon 11:8

Oro lau tan ame asehek ili tan, “Ndramak ta leheya, na le mene badeh, iri Juwis badu loboho Judiya anya korou ou na bek, arile ou anya ala hamon ala kon doh ja?”