Metiu 23:5 - Nyindrou

⁵ “Iri lakou mari oro amekes doh, ta amekes iri lau katou. Oro asin nyeh ndra tinan ta asolom ereu mine oro ma bwili oro, ma oro aseu malou lawe-en ereu kiri awin toro.

Metiu 23:5 Referans Kwoze

Tarou ta Jon 12:43

Iri babudon ta iri lakou nane Kindrei aso-ok bwe, iri badeh, aso-ok iri lau ta atudun nyara iri le.

Pilipai 2:3

Ado samekes kandriyen ta ndrakok ta aseben ado le, ma satudun ado ta aliy. Ma hawe ado satudun le anya, ado ndra ari ai. Arile, ado kamasiye iri, ya bale ado kamani ado.

Tarou ta Jon 5:44

Aha marakon kede-eh, aha winiyan batehei budon taha bame tek bwe. Winiyan bwe en! Tasah, aha abudon boto-on labai ta akohok ndramas tiri lau taha amwenen. Eme ma aha baso-ok ta akohok ndramas nane Kindrei le ari edeu, bwe.

Tarou ta Luk 16:15

Eme Jises tiye i toro anya, “Ado le baden adeh, anya, ado mwasin ta mada lau adeh, arile bwe, Kindrei badeh, tanan ndrine ado. Tasah, sasah lau atou ta mada iri, anya idoh aliy le ai; arile bwe! Ta mada Kindrei anyolom badeh, lakou ndra-in laleyah.”

Tarou ta Luk 20:47

Oro bene-ei asiu tiri badih nyau, ya iri wendreya ta aliu salom lawe-en lawe-en. Oro lau buku doh kameh akohok maha-an laba tinan labai.”

Pilipai 1:15

Eme handru labai, oro lau rayah ta Kindrei atou jo asehek sahou ta nyala Krais, ma mada oro alikis jo. Eme oro anya kakohok ndrahunek kado bwena ja. Arile, oro lau rayah ndrine oro mwasin, oro atiye sahou ta nyala Krais le ai.

Tarou ta Jon 7:18

Are lau iy asehek sahou na le budon tan amwenen badeh, iy ta atudun le nyaran. Arile, are lau iy anya katudun nyara ndramak nane iy suni iy eme, iy ndramak doh asehek sahou handru. Iy ta wendreya bwe.

Metiu 9:20

Oro adek ala badeh, iy badih ari ja ereu san, sik ndra udu tan winiya jaha ronoh la-uh. Iy badih doh sokohani iy i ndrokowa iri lau ili in hamon ta Jises, ma iy abudon i buku doh, “Buku none jo katawi le kiri awin tan, sebwe jo winiyan amwenen.” Eme ma, iy atehei minen le i ta kiri awin ta Jises.

2 Tesalonaika 2:4

Iy kameh amekes bahun ili tiri budon solo-an ta lau badu kon munyak a-en hamon ta aliy, ma iy aseken iri katudun iy buku Kindrei. Ma iy ale kameh atudun nyaran amwenen, ma tubuloh budon tiri lau rayah. Eme ma, iy kameh ili manyah udu bolo asiu ndrabun ta Kindrei, ma iy kameh asehek sahou i buku doh: “Jo amwenen, jo Kindrei.”