Metiu 23:4 - Nyindrou

⁴ I buku le oro atisih lau na kandriyen malen solo-an labai ta iri ka-en hamon ta aliy, arile oro winiyan batehei mine oro ta aseben bwe.

Metiu 23:4 Referans Kwoze

Tarou ta Luk 11:46

Eme Jises tiye i hamon ja anya, “Ado lau ta leheya kandriyen tiri Juwis, mada ado kaleu! Sisi-in laba tinan ale kameh ewek bwele-e ado! Tasah, ado atisih lau na kandriyen malen solo-an labai ta iri ka-en hamon ta aliy. Arile, ado badeh, batehei mine ado ta aseben bwe.

Aposel 15:10

Eme ya, i buku sah ado anya kanone Kindrei ma anya kadeu maha-an ki la-u iri lau ta budon handru? Idoh badeh, iri tubu taha hawe to winiyan babwese-ei bwe ale.

Galesiya 6:13

Handru, iri asan ku-i iri; arile iri ba-en hamon handru ta batanau malen bwe. Ya iri anya, aha kasan ku-i aha, ta amekes anya iri le ai, tasah aha badeh, ndra-en hamon ta budon tiri.

Metiu 23:23

“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Iri bake mari badu bolo bilin ado apou ari, ari i ronoh, ronoh, ya ado adeu ari ari badu bolo ronoh doh, i ta Kindrei. Idoh mwasin, arile ado ndramani iri sahou tinan badu bolo batanau ta Kindrei, buku none kandriyen ta anuhun sahou amwenen, ma tikisiy lau, ma adeu budon boto-on i ta Laban. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale.

Rebelesen 2:24

‘Arile, nadah badeh, jo anya kasehek kewek taha ado Tayataira, aha badeh, ba-en hamon ta sahou ta Jesebel bwe, ma aha ale bakohok ari tanan ta kandriyen nane iri aloh, “Udu bolo kandriyen handru ta Satan.” Na aha le badeh, jo anya kasehek ki buku doh: Jo kameh winiya badeu ari sahou batanau ta aha ka-en hamon ta aliy ja bwai. Lakou ari le doh badeh, kabwai.

Aposel 15:28

Ya, budon ta Malawin Ndrabun hawe budon taso i le se, ta aso satu aha sala bolo iri batanau mari tiri Juwis. Mwasin ta aha a-en hamon ta iri batanau le doh:

Metiu 23:3

Iri sahou mari oro asehek ewek taha badeh, aha kanuhun ma ka-en hamon ta aliy. Arile kandriyen oro amekes, ado sa-en hamon ta aliy, tasah oro asehek iri sahou, arile oro ba-en hamon ta sahou toro bwe.

1 Jon 5:3

Seken tataha ta Kindrei badeh, moson ta aliy i buku, taha anuhun ma a-en hamon ta sahou batanau tan. Ya sahou batanau tan badeh, boto-on bwe, ta taha a-en hamon ta aliy.