Metiu 23:39 - Nyindrou

³⁹ Jo asehek tado amwenen, ado winiyan batou jo ja bwe, winiya le len hamon kameh ado anya, ‘Kasekesek ki ta ndramak doh iy eme ta nyara Laban.’ ” Wari 118:26

Metiu 23:39 Referans Kwoze

Metiu 21:9

Iri lau ra-on adek ala bwena ta Jises ma hawe iri ra-on adek an hamon tan, ya iri mari arah i buku doh, “Hosana! Kasekesek ki ta nadu Debit! Kasore nyaran! Iy eme ta nyara Laban!” Wari 118:26 “Hosana! Kasekesek ki loken mara-ei!”

La-ukei ta Pol atorou ili tiri lau badu kon Rom 11:25

Aha nadu tine, jo aseken budon taha kaleu ta sali sahou handru bwena mene aton mara-ei. Ma aha sasore nyara aha anya, Kindrei aseken le aha, ya iri Isra-el bwe, ndri-iy. Sali sahou handru bwena mene aton asah idoh: Iri lau rayah badu Isra-el badeh, bwale iri atehei budon tiri handru in ta Jises Krais. Ya iri kameh tunuhun sahou mwasin tan ili winiya le kane iri lau mari badu leheleh ala Kindrei aloh iri badeh, anuhun sahou mwasin ta nyala Jises Krais ma ame bolo tondrok tan.

Tarou ta Jon 8:56

Tama aha Abraham ndrasekesek ndrandra-i labai, ta anyolom len tek nane dah. Iy anyolom ma iy sekesek tinan labai.”

Tarou ta Jon 8:24

Jo ndratiye taha, ta aha kameh amak ma ndra-in taha. Buku aha batehei budon taha bame tek bwe, buku, ‘Jo iy ndramak nane iy ta udu le buku doh,’ aha kameh amak hawe kandriyen ndra-in taha.”

Tarou ta Jon 8:21

Jises asehek sahou ili tiri lau ja, “Jo kameh iu ai. Aha kameh asilah jo, arile aha kameh amak ta kandriyen ndra-in taha. Aha kameh winiyan bame kon kameh jo ilih aliy bwe.”

Tarou ta Luk 17:22

Ano Jises tiye i toro lau tan anya, “Na len eme, ado kameh aseken labai ta atou ari len ta Nadu Ndramak Awas, arile ado kameh winiyan batou bwe.

Tarou ta Jon 14:19

Mirihik ai, idah kameh iri lau badu kon munyak kameh winiya batou jo ja bwe. Arile aha le kameh atou jo ai. Jo kameh imek, ano jo amak ja. I buku le aha kameh amak, ano aha amak ame awas ja, ma koha aha kameh eme hamon ja ma udu le buku doh.

Tarou ta Jon 14:9

Jises tiye i tan, “Pilip, jo udu hawe ado luluwen labai, arile buku sah handru ou bala tanam jo bwe? Are lau iy ndratou jo badeh, iy ndratou tama ale. I buku sah ja ou anya jo kaleheya tama kewek tado ja?