Metiu 23:34 - Nyindrou

³⁴ Ado kanuhun kamwenen! Jo kameh suni iri propet ma iri lau budon tiri mwasin ma iri lau tanan mwasin ta leheya ado, ame atou ado. Arile ado kameh adai iri ra-on amak ma atahi iri ra-on ala bada kei tondreh, hawe iri ra-on kameh ado ubwi iri na malou an bolo asiu ta atukum taha. Ya ado kameh sobolon iri ereu bolo kon tinan taha ma oro kameh sakaliye au ala kon rakon ja.

Metiu 23:34 Referans Kwoze

Metiu 13:52

Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

Kolosi 1:28

Eme ma, ahi aposel badeh, atiye sahou mwasin ta Krais ili tiri mwan ma badih marakon. Ahi leheya iri mwan ma badih ta tanan marakon ahi tawi, ma ahi batanau iri ta iri katondrok iri kamwenen ta a-en hamon tiri sahou marakon ta Kindrei. Tasah, ahi aposel anya katiye iri mwan ma badih ari, ari kala hawe Kindrei. Ma, na len iri asahan hawe Kindrei, ahi aso-ok iri kasahan kamwenen buku Krais ma ahis hawen.

Aposel 13:1

Udu bolo iri lau atehei budon tiri handru in ta Kindrei badu Antiyok badeh, iri propet rayah, ma hawe iri lau ta leheya rayah ale ado aliy. Nyara oro badeh, Banabas, Simiyon iri aloh iy Nijer, Lusiyus badu Sairini, hawe Mana-en iy mene asahan kawas ta kabin Herot na len iy atondrok kon, ma hawe Sol.

Metiu 10:23

Ya buku none are lau mwan deh badih badu saba kon tinan amekes ndra-in ewek tado, mwasin, ado katobwak kala kon tinan ari ja. Jo asehek sahou handru ewek tado, ado winiyan babwidi gok dah bano bwe udu bolo iri kon tinan badu Isra-el, ya jo Nadu Ndramak Awas ta Kindrei kameh eme hamon ja.

Rebelesen 11:10

Eme ma, iri lau badu kon munyak mara-ei kameh sekesek labai, tasah ta imek turu lau ma la-uh nane doh. Iri kameh amekes nyamon laba tinan, ma iri adi mana, ma iri adeu ndramas ili ta kawas tiri le amwenen, tasah uru propet ma la-uh doh badeh, amekes maha-an ma sisi-in ndra-in labai ili tiri lau mara-ei badu kon munyak.

Hiburu 11:37

Oro rayah ja, iri orowei oro na bek ma oro amak. Iri mwetehei oro rayah, iri aso-ei oro rayah na no-o samen madan. Oro rayah badeh, oro adek ala ame, ari asumwe oro bwe, toro lakou bwe. Oro taliye ku-i sipsip ma ku-i me ndra-in i kalawi oro. Iri lau batondrok oro bala mwasin bwe, iri atehei maha-an ma sisi-in ili le toro.

1 Korin 3:10

Jo in hamon ta ndramas Kindrei edeu eme tek, ma jo asahan ndramak ta tanan labai ta atah asiu, eme ma jo ndratahi ndru. Ya, iri rayah an hamon tek ame ja, tahi asiu udu bwele-e ndru doh. Arile to ari, ari kabudon kamwenen ta kandriyen ta atah asiu.

1 Korin 2:6

Handru, ahi aposel atiye sahou ta tanan handru ili tiri lau, ale iri ndra tinan ndra-en. Arile, tanan dah ta kon munyak bwe. Ma tanan dah ale, iri lau boto-on ta atondrok kon munyak badeh, bakohok bwe. Iri boto-on nane doh nyamu iri iu laleyah.

Aposel 15:32

Ya eme Judas uru Sailas badeh, propet ale, eme uru asehek sahou nyarahan labai, ta amekes iri nadu tine uru kabadok ale.

Aposel 14:19

Ano iri Juwis rayah badu Antiyok, ma badu Ikoniyum ame andresei iri anuhun boho oro. Eme iri orowei Pol na bek, ma anya deh, iy ndramak, ma aluwi iy eme manan ta kon tinan.

Aposel 12:2

Iy badeh, tiye ndramak tan ari ta bahun ili mwetehei Jemis, nadu tine Jon, imek na samen gwak iri aloh bainat.

Aposel 11:27

Udu bolo len doh badeh, iri propet rayah ale, ado Jerusalem ame andri, ame Antiyok.

Aposel 5:40

Eme ma sahou tan badeh, tubuni budon toro. Eme iri luhi oro aposel ame bolon, ma ubwi oro na malou sakabuk i bek. Ano iri tiye sahou i toro, hamon oro sasehek sahou na nyara Jises ja ai, ndri-iy, ma eme iri tiye oro au.

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Tarou ta Jon 20:21

Jises tiye toro ja, “Mondrei kudu hawe ado. Buku le tama suni jo eme, ma jo suni ado ta ala bolo kon munyak.”

Tarou ta Jon 16:2

Iri kameh tikahei aha au ala manan ta asiu ta atukum tiri Juwis. Ano ma len asahan ta are lau iy idi aha amak, abudon anya, iri amekes gok doh ta atudun nyara Kindrei.

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

1 Tesalonaika 2:16

tasah iri amekes san ta aturuk ahi, ta sala satiye sahou ta Kindrei sala tiri lau badu leheleh. Handru, iri baso-ok ta Kindrei kakohok iri kame hamon bwe. Eme ma, len marakon badeh, iri amekes kandriyen ndra-in ili solo-an udu le gwek, buku ndramak asuni gwa ili bolo bwesam irek labai, ma anya kamou. Eme ma, Kindrei ibolosen ili tiri, ma maha-an hawe ndramas ndra-in ta kandriyen iri nane amekes, iy ruwaniy eme andri amwenen ili bwele-e iri.

Metiu 23:31

Na sahou ado amekes doh, ado leheya buku none ado nadu iri lau mene adai iri propet ta Kindrei bwena.