Metiu 23:24 - Nyindrou

²⁴ Ado mada ado bwe. Ado anya kaleheya san ki tiri lau, arile ado amwenen batou san bwe. Ado atou lakou nadu bwisik buku buruku udu bolo suw tado, ya ado abo gok ta akohok eme len, arile ado batou lakou tinan buku kamel udu bolo suw tado, ya ado a-un le ma sakalami lakou mari.

Metiu 23:24 Referans Kwoze

Metiu 19:24

Jo asehek tado ja, masakan boto-on boto-on labai ta ndramak tan lakou solo-an ta iy ili bolo tondrok ta Kindrei, arile manamun labai ja ta kamel i buku iy i bolo manamunu nunu.”

Metiu 23:16

“Ado lau mada ado bwe! Sisi-in laba tinan doh kameh ewek bwele-e ado! Ado anya kaleheya san ki tiri lau, ado kabudon kamwenen. Ado asehek i buku doh, ‘Buku none ndramak asehek sahou handru i ta asiu tinan ta Kindrei, ma iy tandrakan handru i ta kon loken, idoh lakou laleyah. Arile, buku none ndramak asehek i ta gol ereu bolo asiu ta Kindrei, ma iy tandrakan ili kon loken, idoh kameh iy kabwidi lakou buku iy nane ndrasehek.’

Metiu 7:4

I buku sah handru, ou tiye ili ta nadu tinem ari ja i buku doh: ‘Jo kandrei mutahu kei ranah ma buruwen udu madam keme len,’ arile len mari ou batona sobola kei ranah ma buruwen udu bolo madam bwe?

Tarou ta Jon 18:40

Iri arah ma aloh i tinan i buku doh, “Iy badeh, bwai. Ahi aso-ok ou ruwani Barabas keme len laleyah.” Barabas badeh, iy ndramak ta bahun ta adai lau amak ma iy ale ta bahana.

Tarou ta Jon 18:28

Mandraben ma wahun, iri sirini Jises udu asiu ta Kayapas iu ili asiu ta kabin badu Rom. Iri tinan tiri Juwis bala bolo asiu nane doh bwe, tasah kora-on iri kandraka-an ta mada Kindrei, ma idah kameh iri winiyan baimon nyamon ta len ndrabun aloh Pasoba bwe. Eme iri are ndra manan areu.

Metiu 15:14

Ado sabudon oro lau doh, oro badeh buku lau mada iri bwe, arile oro anya kaleheya san ki ta ndramak ari ja. Arile, buku none ari ndramak madan bwe anya kaleheya san ki ta ndramak ari ja madan bwe, uru ma la-uh kameh taku a bolo lek.”

Rebelesen 12:16

Arile bwe. Munyak badeh, sebenei iy badih doh. Munyak sihi bohon asak, ma iy anyuwi gwa mara-ei nane amou udu boho mwak laba tinan banin ere aliy eme len, mara-ei ano iu ili ndrinen.