Metiu 23:23 - Nyindrou

²³ “Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Iri bake mari badu bolo bilin ado apou ari, ari i ronoh, ronoh, ya ado adeu ari ari badu bolo ronoh doh, i ta Kindrei. Idoh mwasin, arile ado ndramani iri sahou tinan badu bolo batanau ta Kindrei, buku none kandriyen ta anuhun sahou amwenen, ma tikisiy lau, ma adeu budon boto-on i ta Laban. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale.

Metiu 23:23 Referans Kwoze

Tarou ta Luk 11:42

“Ado Parasi, mada ado kaleu! Sisi-in laba tinan kameh ewek bwele-e ado! Ado badeh, apou la-ukei mint hawe la-ukei ruwe tado badeh, i ronoh, ronoh. Ano ado adeu ari ari badu bolo ronoh doh, i ta Kindrei. Ado ale, amekes i buku aliy i ta lakou mari badu bilin tado. Idoh mwasin, arile ado ndramani iri kandriyen ta tikisiy hawe kandriyen mwasin ta Kindrei. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale.

Metiu 9:13

Ado kala kabudon kati sahou sokek dah kamwenen, ‘Jo baso-ok salom laleyah aha amekes eme tek bwe, arile jo aso-ok handru aha kamekes kandriyen ta tikisiy ki ta ndramak ari ja.’ ” Hoseya 6:6 Eme Jises anya ja, “Jo eme dah ta aseben lau mwasin le, bwe. Jo eme dah badeh, ta aseben iri lau ta karei ma lomondra ndra-in udu tiri kasahan mwasin.”

Tarou ta Luk 18:12

Ya jo badeh, abeles jo san la-uh la-uh, udu bolo wik ari ari, ma hawe udu bolo iri lakou tek ronoh, ronoh mari, jo edeu ari ari badu bolo iri lakou doh, ewek tam.’

Metiu 12:7

Sahou ta Kindrei ereu bolo buk ndrabun anya, ‘Jo baso-ok salom laleyah aha amekes eme tek bwe, arile jo aso-ok handru aha kamekes kandriyen ta tikisiy ki ta ndramak ari ja.’ Hoseya 6:6 Buku none aha tana aha kati sahou ta Kindrei doh, sebwe aha winiyan babolosen, ma bamekes sahou ndra-in bala bada ari ndramak iy kandriyen ndra-in badan bwe. Arile bwe, aha tanan kati sahou dah handru bwe.

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.