Metiu 23:18 - Nyindrou

¹⁸ Ya ado ale anya, ‘Buku none ari ndramak tandrakan in bwele-e mada koto-ok, idoh ari lakou handru bwe. Arile, buku none iy tandrakan in bwele-e iri lakou ta asun ere bwele-e mada koto-ok, iy kamesekei buku iy nane ndratandrakan.’

Metiu 23:18 Referans Kwoze

Metiu 23:16

“Ado lau mada ado bwe! Sisi-in laba tinan doh kameh ewek bwele-e ado! Ado anya kaleheya san ki tiri lau, ado kabudon kamwenen. Ado asehek i buku doh, ‘Buku none ndramak asehek sahou handru i ta asiu tinan ta Kindrei, ma iy tandrakan handru i ta kon loken, idoh lakou laleyah. Arile, buku none ndramak asehek i ta gol ereu bolo asiu ta Kindrei, ma iy tandrakan ili kon loken, idoh kameh iy kabwidi lakou buku iy nane ndrasehek.’

Metiu 23:17

Ado lolo-ou ma mada ado bwe. Saba lakou iy mwasin ereu mada Kindrei? Gol mwasin deh, asiu tinan ta Kindrei? Ado tana ado bwe nadeh? Buku none gol ereu asiu tinan ta Kindrei, gol doh bamesekei asiu tinan ta Kindrei bala mwasin bwe; asiu ta Kindrei le mwasin, ma iy mesekei gol doh asahan mwasin ma ndrabun.

Metiu 23:19

Ado mada ado bwe. Saba lakou mwasin ereu mada Kindrei, iri lakou ta asun nane deh, o mada koto-ok? Iri lakou ta asun nane ereu bwele-e mada koto-ok, idoh lakou laleyah. Arile, mada koto-ok le mesekei iri lakou ta asun nane asahan ndrabun ta Kindrei.

Tarou ta Mak 7:11

“Arile ado Parasi ma ado lau ta leheya kandriyen tiri Juwis tiye i buku doh, ‘I buku none ari ndramak luk tan ta aseben taman uru tinen, arile iy tiye turu i buku doh, “Luk jo anya kaseben ah na aliy badeh, Korban (moson ta aliy, ndraleheyani ta adeu i ta Kindrei).”’

Galesiya 5:3

Tasah, jo tiye sahou ndraleu ndrawek taha! Buku aha a-en hamon ta ari batanau malen badu Juwis, i buku ta asan ku-i aha, badeh, aha ka-en hamon ta batanau malen mara-ei tiri Juwis ale.