Metiu 23:15 - Nyindrou

¹⁵ “Ado lau tanan ta batanau malen ma ado Parasi, ado kabudon kamwenen! Sisi-in laba tinan doh kameh ewek bwele-e ado! Ado kalime ado la-uh! Ado adek bolo kon ma bwele-e ndras mari ta amekes ndramak ari le ta in hamon taha. Ya buku none iy in hamon taha, ado mesekei iy ndramak ta i bolo jih, i buku none ado le. Ado mesekei kandriyen tan asahan ndra-in, sakalawi tado ja.

Metiu 23:15 Referans Kwoze

Epesus 2:3

Taha marakon mene badeh, asahan buku iri mwan ma badih doh, ma taha an ndra hamon ta so-ok ndra-in ta budon tataha malen. Ya, taha ndra-en hamon tiri lakou marakon, bada taha ma budon tataha anya kamekes. Taha ado buku le aliy, ma taha kameh winiyan akohok ndramas ndra-in doh, buku iri mwan ma badih rayah ba-en hamon ta Kindrei bwe.

Aposel 13:43

Eme ma, iri lau au, arile iri Juwis hawe iri lau badu leheleh mene ndra-en hamon ta kandriyen tiri Juwis badeh, a-en hamon ta Pol uru Banabas. Uru aposel ame batanau iri i buku doh, “Aha badeh, kabadok ta bolo manyah mwasin ma tikisiy nane Kindrei ndratehei ndrame tataha.”

Aposel 13:10

“Ou badeh, nadu balik amwenen, ma ou badeh, baseken kandriyen mwasin mari bwe! Ou adah labai na kandriyen ta wasai ta balik. Ya, ma saba len kameh ou aruwe ta tobolowe sahou handru ta Laban kasahan wasai?

Aposel 14:2

Arile, oro Juwis rayah batehei budon toro handru bwe badeh, sosokok budon tiri lau badu leheleh andra-i i bada iri lau ta Laban.

Tarou ta Jon 8:44

Tama aha balik, aha nadun, aha amekes lakou an hamon ta iri lakou iy aso-ok. Udu ndra bada katin eme, iy ta idi lau. Iy bwalen sahou handru, tasah iy tanan ta asehek sahou handru bwe. Iy ta wendreya, ma iy aso-ok ta asehek sahou ta wendreya. Iy badeh, tine wendreya udu tan.

Galesiya 6:12

Iri lau doh badeh, abadok labai ta asan ku-i aha, iri kameh amekes i buku doh, tasah iri aso-ok nyara iri kasahan ki tinan ta ndranye iri, ma mada iri lau rayah ja. Iri ale badeh, anoh ma abudon i buku doh, “Kora-on iri lau rayah ja katanan, buku to badeh, atehei budon tato mara-ei in ta kei tondreh ta Krais, ma kora-on iri anya kamekes ndra-in keme tato.”

Galesiya 4:17

Iri lau rayah aseken labai ta anya kaliu budon taha ki hawe budon tiri ja, arile budon tiri badeh, ndra-in. Iri anya kasosokok aha same hawek. Eme iri anya kaliu budon taha ki hawe budon tiri ta aseben ma atudun iri le.

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Aposel 14:19

Ano iri Juwis rayah badu Antiyok, ma badu Ikoniyum ame andresei iri anuhun boho oro. Eme iri orowei Pol na bek, ma anya deh, iy ndramak, ma aluwi iy eme manan ta kon tinan.

Aposel 2:10

Ma to badeh, badu kon munyak tinan Prijiya, Pampiliya, Ijip, hawe kon rayah badu Libiya udu mirihik ta kon Sairini. Ma udu ndrokowa to badeh, iri lau badu Rom adek ame dah ale.

Aposel 6:5

Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

Metiu 5:29

Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh.

Metiu 3:7

Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.