Metiu 22:44 - Nyindrou

⁴⁴ ‘Laban Kindrei tiye i ta Laban tek i buku doh: “Ou ame manyah ado loboho minek salin, winiya jo le baratehei iri lau ta amekes budon ndra-in i tam barado bahandra katim.”’ Wari 110:1

Metiu 22:44 Referans Kwoze

Hiburu 1:13

Kindrei winiyan basehek bala ta ari angelo tan bwe: “Ou ame manyah ado loboho minek salin, winiya jo le baratehei iri lau ta amekes budon ndra-in i tam barado bahandra katim.” Wari 110:1 Kindrei asehek sahou doh ili ta nadun amwenen.

1 Korin 15:25

Tasah, Krais kameh atondrok kon marakon winiyan le Kindrei baratehei iri lau ta ato-ou kaliu barala bahandra katin.

Hiburu 1:3

Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

Rebelesen 19:19

Ano ja, jo anyolom nyabwe munyak hawe iri kabin badu kon munyak, ma iri lau tiri mara-ei ta bahun atukum ala le se ta amekes bahun hawe i ndramak nane sakaliye hos hawe iri lau tan ta bahun.

Pilipai 3:8

Ma laba tinan labai udu badeh, jo i tanan Krais Jises i Laban tek baden eh. Jo i tanan lakou mari doh bala se lakou bwe, iu laleyah. Eme na Jises le, jo kameh akahei iri lakou doh iu, tasah ari mwasin badu ta aliy winiyan basebenei jo bwe. Lakou doh ndra-au ma ndrano. Eme ya balek ki ta Jises le ma jo kihis hawen le.

Tarou ta Jon 20:28

Tomas eme asumon bohon i buku doh, “Ou Laban tek, ma ou Kindrei tek!”

Tarou ta Luk 19:27

Ma ado katiyani are lau oro mene anya jo sasahan kabin badeh, kame, ya ado kadai oro kamak kare madak.’ ”

Metiu 22:45

“Ado kanuhun. Debit amwenen aloh ndramak nane Laban tan. Ya ki buku sah handru kameh iy ndramak nane ja ki nadu Debit?”

Metiu 26:64

Jises asumon bohon anya, “Ou ndrasehek badeh kabwai. Arile jo tiye tado, hamon kameh ado anyolom Nadu Ndramak Awas kameh manyah udu loboho lim salin ta Kindrei iy boto-on labai, ya iy kameh udu bwele-e asi jor badu kandrah eme.”

Tarou ta Mak 16:19

Ya eme Laban Jises asehek sahou i toro ano, ma Kindrei andrei iy iu i loken bolo kandrah, ma iy ili manyah udu loboho mine Kindrei salin.