Metiu 22:42 - Nyindrou

⁴² “Ado abudon i buku sah handru ta ndramak taha aloh Krais o Mesaya? Iy nadu are handru?” Eme oro tiye i tan i buku doh, “Iy nadu Debit.”

Metiu 22:42 Referans Kwoze

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Metiu 1:1

Idah nyara tubu Jises Krais, nadu Debit, iy ale nadu Abraham.

Tarou ta Jon 20:28

Tomas eme asumon bohon i buku doh, “Ou Laban tek, ma ou Kindrei tek!”

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Metiu 21:9

Iri lau ra-on adek ala bwena ta Jises ma hawe iri ra-on adek an hamon tan, ya iri mari arah i buku doh, “Hosana! Kasekesek ki ta nadu Debit! Kasore nyaran! Iy eme ta nyara Laban!” Wari 118:26 “Hosana! Kasekesek ki loken mara-ei!”

Metiu 14:33

Eme ma oro lau areu bolo ndron nane asolom i ta Jises ma oro anya, “Handru labai, ou Nadu Kindrei handru.”

Metiu 9:27

Jises ruwani kon nane, ma iy edek ili, ma uru lau la-uh mada uru bwe adek an hamon tan, ma uru aloh i tan anya, “O nadu tubu kabin Debit, ou tikisi aru!”

Metiu 22:43

Jises ndremenya oro ja i buku doh, “Ya i buku sah handru ya Malawi Ndrabun atehei budon i ta Debit ya Debit aloh ndramak nane ‘Laban’? Debit asehek i buku doh,