Metiu 22:13 - Nyindrou

¹³ “Kabin nane tiye toro lau ta ndrokei tan anya, ‘Ado kasawei katin ma minen ya ado kakahei iy ki-iu kili manan bolo lulik. Bolo lulik doh kameh iri lau aden andra-i labai ma lihi iri kameh asenyer andra-i labai.’

Metiu 22:13 Referans Kwoze

Metiu 8:12

Arile, oro lau ala Kindrei mene tiye oro ala ado bolo tondrok tan kameh akeh oro au ala manan, ala bolo lulik, ya oro kameh aden, ma andrebek lihi oro.”

Metiu 25:30

Ya, ta lohowan ndra-in nane, ado kakahei iy kili bolo kon lulik. Kon doh iri kameh aden ma asenyer lihi iri.’ ”

2 Pita 2:17

Iri lau ta leheya tanan ta wasai badeh, i buku gwa udu bolo lek, ya lau anya kala ka-us, arile iri ala badeh, gwa ndramar. Iri ale i buku kon abakak, ya siyer atohou boto-on labai aluhi iu, ya ur bandruk bame andri ta lau bwe. Ya eme ta kandriyen ndra-in tiri doh badeh, Kindrei ndralowosani kon rakon doh lulik labai ndrado le ta iri kameh alih aliy.

2 Pita 2:4

Ado tanan buku Kindrei kameh edeu maha-an i tiri lau ta leheya tanan ta wasai, i buku none iy mene ndramekes ndra tiri lau rayah mene ndra-au. Bwena mene, iri angelo rayah amekes kandriyen ndra-in, ma Kindrei bamukuni iri bado bwe. Iy bokoro-ei iri i buku doh: Iy sawei mine iri ma kati iri, ma akahei iri ala ado bolo lek ta jih, ma iri ado bolo lulik laba tinan labai. Na idah iri ado aliy kodo-oh atondrok le len, ta Kindrei kameh edeu iri a ta sahou.

2 Tesalonaika 1:9

Ya, iri mwan ma badih doh kameh, akohok ndramas ndra-in labai i buku doh: Laban kameh atehei iri are len labai ta madan, ma ta sun badeh, asahan na boto-on tan, ma iri kameh andrakak are ndra bolo jih ta udu le buku doh.

Tarou ta Luk 13:28

“Idah kameh, akeh ado ame len ta baha tondrok ta Kindrei, ala bolo jih, ya ado kameh aden, ma andrebek lihi ado, tasah ado kameh anyolom Abraham, Aisik hawe Jekop ma hawe iri propet mari are baha tondrok tan. Arile, ado le, bwai!

Metiu 24:51

Tinan tan kameh sani iy i lunah, ma mesekei iy akohok maha-an buku le iri lau kalime iri la-uh. Iy kameh anyar, ma asenyer lihin.

Metiu 13:50

Ya oro kameh akahei iri lau ndra-in nane ala bolo jih ale winiyan bamak bwe-en. In bolo jih doh kameh oro aden ma asenyer lihi oro ta isi tinan labai oro atona.”

Metiu 13:42

Ma oro kameh akahei iri ala bolo jih ale winiyan bamak bwe-en. In bolo jih doh kameh oro aden andra-i labai, ma oro asenyer lihi oro kameh ili ta isi tinan labai kameh oro akohok.

Rebelesen 21:27

Arile, iri lakou ndraka-an, hawe iri lau ta amekes kandriyen ndra-in, iri lau ta karei, ma iri lau ta amekes sahou wasai, iri mara-ei doh kameh winiyan bala bolo kon tinan doh bwe. Iri lau le nyara iri udu bolo buk ta Nadu Sipsip, iri le lau doh kameh akohok kohan handru ma winiyan ala bolo kon tinan don ai.

La-ukei atorou Jut 1:13

Iri lau ta karei doh badeh, bwilima tiri buku le goi laba tinan atohou ma tebeya sisoh eme le babi. Iri ale, buku ndrau udu kandrah edek ili eme, ba-en hamon ta san tan amwenen bwe. Iri lau doh badeh, Kindrei ndralowosani kon lulik labai, ta iri kameh ala are aliy ta udu le buku doh.

La-ukei atorou Jut 1:6

Ya ado kabudon iri angelo mene, iri bwale iri ateu gok mwasin Kindrei edeu i tiri, ya iri ndraruwani kon mwasin tiri. Eme ya Kindrei ndrasawei iri na sen ta ere le buku doh, ya iy ndratehei iri ndrala bolo kou lulik ere le buku doh, ta atondrok le len laba tinan ta sahou asahan.

Aposel 7:54

Eme na len iri anuhun sahou doh badeh, iri abolosen handru ma lihi iri asenyer i tan.

Metiu 13:30

Mwasin, ado karuwani uru ma la-uh winiya le len ta akohok nyamon. Na len ta akohok nyamon jo katiye toro lau ta amekes gok doh: Ado katukumwi bwidiu ndra-in bwena, ya kasawei ki se ta asun i jih. Arile ado katukumwi iri wit keme bolo asiu ta nyamon tek.’ ”

Metiu 12:29

“Ya buku none ari ndramak anya ki bolo asiu ta ari ndramak boto-on, ma kabahana iri lakou tan, iy kameh amekes sah handru? Ma bwena handru iy kameh sawei iy ndramak boto-on nane na malou boto-on. Ano, iy winiyan akohok iri lakou ereu asiu ta ndramak nane.

Aposel 21:11

Iy eme asahan hawe aso, ano iy andrei molowa awin ta Pol. Ma iy bawei iy le, katin hawe minen ma la-uh na aliy, ma iy tiye eme taso i buku doh, “Malawin Ndrabun nane tiye eme tek i buku doh, tama molowa awin dah kameh iu ili bolo asiu lulik ili Jerusalem. Iri Juwis badu Jerusalem kameh bawei katin ma minen i buku doh. Ma iri kameh atehei iy ili mine iri lau badu leheleh, ta iri winiyan amekes kandriyen ndra-in i tan.”

Tarou ta Jon 21:18

“Jo asehek tam handru: Mwena mene ou ma loweu, ou amwenen apeu balaban tam, ma ou adek ala kon solo-an ou aso-ok ta ala aliy. Arile ou ado, ou ala asahan alon, badeh kameh ou suri minem ili loken, ya ndramak ari ja kameh apeu balaban tam, ano iy sirini ou ala kon nane ou bwalem ta ala aliy.”