Metiu 21:44 - Nyindrou

⁴⁴ Are lau oro taku a bada bek doh kameh, ndruwi oro kameh ibok i le bwisik, arile, are lau oro i buku none bek doh, taku i la-u oro, idah kameh ati-i oro abwesek.”

Metiu 21:44 Referans Kwoze

1 Pita 2:8

Ya buk ndrabun asehek ja, “Bek doh kameh tono-ei kati iri lau, ma iy kameh amekes lau taku ereu san.” Aisaya 8:14 Iri taku, tasah iri batehei budon tiri bala ta sahou tan bwe. Lakou doh asahan tiri, tasah bwena mene Kindrei ndratehei budon tan ta iy kameh amekes i buku doh.

La-ukei ta Pol atorou ili tiri lau badu kon Rom 9:33

I le buku tarou ta Kindrei asehek nyala aliy anya, “Ndranye aha kanuhun, jo nyahani bek udu Sayon ta tono-ei kati iri lau kato-ak Ma bek doh kameh tono-ei kati iri lau, ma iy kameh amekes lau taku areu san. Are lau atehei budon tan handru in tan kameh iy winiyan bani bwilima bwe.” Aisaya 8:14; 28:16

Tarou ta Luk 20:18

Are lau oro taku a bada bek doh kameh, ndruwi oro kameh ibok i le bwisik, arile are lau oro i buku none bek doh, taku i la-u oro, idah kameh ati-i oro abwesek.”

Metiu 27:25

Eme iri lau mari anya, “Ndrayen badeh, keme la-u ahi, ma nadu ahi!”

1 Tesalonaika 2:16

tasah iri amekes san ta aturuk ahi, ta sala satiye sahou ta Kindrei sala tiri lau badu leheleh. Handru, iri baso-ok ta Kindrei kakohok iri kame hamon bwe. Eme ma, len marakon badeh, iri amekes kandriyen ndra-in ili solo-an udu le gwek, buku ndramak asuni gwa ili bolo bwesam irek labai, ma anya kamou. Eme ma, Kindrei ibolosen ili tiri, ma maha-an hawe ndramas ndra-in ta kandriyen iri nane amekes, iy ruwaniy eme andri amwenen ili bwele-e iri.

Metiu 26:24

Nadu Ndramak Awas kameh imek i buku le tarou mene ndratorowenei ta nyalan. Arile sisi-in laba tinan kameh i bwele-e ndramak iy ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

Tarou ta Jon 19:11

Jises eme tiye i tan ja, “Ou winiya batondrok jo bwe, i buku Kindrei batehei boto-on ta atondrok jo bawek tam bwe. Ta idoh le kameh, are lau iy atehei jo eme minem dah, iri kandriyen tan marakon kameh udu bwele-en labai ja ta iri kandriyen ndra-in tam.”

Metiu 21:43

“Ya jo asehek tado, Kindrei kameh kuhi tondrok tan ereu mine aha lau badu Isra-el eme hamon, ya iy kameh atehei ili mine iri lau ra-on ja ale winiyan a-en hamon ta so-ok tan amwenen.

Metiu 21:45

Oro tinan tiri pris hawe oro Parasi anuhun sahou sokek Jises amekes, oro tana oro buku Jises amekes sahou doh i la-u oro.

Tarou ta Luk 2:34

Ano, Simiyon atehei nyosowan i la-u oro, ano iy tiye i ta Mariya, “Iy nah le doh, Kindrei le edeu iy, ma idah kameh iy aseben iri lau badu Isra-el rayah, ya iri rayah kameh bwale iri iy. Ma idah kameh, iy i kalem ta lau kameh asehek sahou nyarahan i tan,