Metiu 21:29 - Nyindrou

²⁹ Nadun tiye tan buku doh, ‘Jo bwalek.’ Arile hamon iy tubuni budon tan ja ya iu ili ibo gok.

Metiu 21:29 Referans Kwoze

1 Korin 6:11

Aha rayah bwena mene i buku iri lau doh. Arile, na dah ja, nyara Laban tataha Jises Krais ma hawe boto-on ta Malawin Mwasin ta Kindrei tataha, anyuwi aha, lebelei aha, ma bwidi aha asahan iri lau tan mwasin ta madan.

Aposel 26:20

Jo atiye sahou ma bwena handru ili tiri lau badu Damaskus. Ano ja, jo atiye ili bolo kon Jerusalem ma Judiya mara-ei, ma ili bolo kon leheleh ale. Jo atiye sahou, ta iri karuwani kandriyen ndra-in tiri ki-iu, ma iri katubuni ndrine iri kili ta Kindrei. Ma iri kamekes kandriyen mwasin ta leheya iri ndratubuni ndrine iri handru.

Metiu 21:31

Ya uru nah ma la-uh doh are lau handru in hamon ta budon ta tama uru?” Eme oro lau nane anya, “Nadun kadok.” Eme Jises tiye toro i buku doh, “Jo asehek tado handru, iri lau ta akohok luk ta takis taha ma hawe iri badih ta madasarah kameh ala bwena ala bolo tondrok ta Kindrei.

Jona 3:2

“Ou suri ou, ou adek ala bolo kon tinan tiri Ninibe. Sahou jo ndrasehek tam mene badeh, jo aso-ok ou ala tininiy kili tiri badih ma mwan badu bolo kon tinan Ninibe.”

Metiu 21:28

Jises asehek sahou i toro pris ma hawe oro lau tinan ja i buku doh, “Ehe, ya ado abudon buku sah? Ndramak ari nadun la-uh. Iy ili hawe nadun kadok iy tiye tan buku doh, ‘Naduk, ou ala abo gok bolo bilin waen.’

Metiu 21:30

Ya ndramak nane ili hawe nadun bwaneh ja, ya iy asehek i buku le aliy ili tan ja. Ya nadun tiye tan buku doh, ‘Abo tama.’ Arile iy bala bwe.