Metiu 21:26 - Nyindrou

²⁶ Arile buku none to katiye anya, ‘Idoh kandriyen tiri lau le,’ idah kameh to anoh iri lau ale, tasah iri anya, Jon badeh, propet ta Kindrei handru.”

Metiu 21:26 Referans Kwoze

Tarou ta Mak 6:20

ma Herot ale, inoh Jon, tasah Jon badeh, ndramak mwasin labai ta mada Kindrei, eme ma Herot badai iy bwe. Batun aso ta anuhun Jon, arile iy aso-ok ta anuhun iy labai ja.

Tarou ta Jon 5:35

Jon badeh, buku sun anya lomadan tinan labai. Len sabe le badeh, aha sekesek ta lomada sun tan.

Metiu 21:46

Idoh mesekei budon toro ta ateu Jises handru, arile oro anoh iri lau mwan ma badih, tasah iri lau mwan ma badih anya Jises badeh, propet.

Metiu 14:5

Herodiyas aso-ok ta Herot kidi Jon. Arile, Herot bwalen ma iy inoh. Tasah, lau solo-an badu Isra-el atehei budon boto-on anya Jon badeh, propet.

Metiu 11:9

Saba lakou handru aha anya kala katou? Sebwe aha anya kala katou propet? Ehe, aha atou iy, ma jo katiye tado kamwenen, iy badeh sakalawi iri lau mari mene ta atiye boho Kindrei ndra-au ndrala bwena.

Aposel 5:26

Eme oro batun hawe oro tinan ta ndrokei ala badeh, andrei oro aposel dah. Oro badeh, baseheya oro boto-on bwe, tasah oro anoh, kora-on iri lau korowei oro na bek.

Tarou ta Jon 9:22

Taman uru tinen asehek, tasah uru anoh iri Juwis. Iri Juwis ndratehei sahou ndra-en aliy bwena, i buku are lau iy asehek anya Jises badeh, Mesaya, iri kameh tikahei iy udu bolo asiu ta atukum tiri Juwis iu ili manan.

Tarou ta Luk 22:2

Eme iri lau tinan tiri pris, hawe iri lau ta leheya kandriyen tiri Juwis anya kadi Jises ki san ta bahana le. Tasah, iri badeh, anoh iri lau solo-an ado aliy.

Tarou ta Luk 20:19

Eme iri lau ta leheya kandriyen tiri Juwis hawe iri tinan tiri pris nane anya ja Jises asehek sahou sokek doh i bada iri. Eme ma iri anya katakaleh madasan ta ateu iy na le liliy. Arile, oro winiyan bwe, tasah oro anoh iri lau.

Tarou ta Luk 20:6

Arile, i buku none to katiye anya, ‘Idoh kandriyen tiri lau le,’ idah kameh, iri lau korowei to na bek, tasah budon tiri lau ndrahas anya, Jon badeh, propet ta Kindrei handru.”

Tarou ta Mak 12:12

Eme iri tinan tiri pris hawe iri lau ta leheya kandriyen tiri Juwis hawe iri lau-en nane anya ja Jises asehek sahou sokek doh i bada iri. Eme ma iri anya kateu iy. Arile iri winiyan bwe, tasah iri anoh iri lau solo-an nane dah. Eme iri ruwani iy ma iri au.

Tarou ta Mak 11:32

Arile, buku none to katiye anya, ‘Idoh kandriyen tiri lau le,’ winiyan bwe nadeh?” Iri lomondra i buku doh. Iri anoh iri lau tasah iri lau anya, Jon badeh, propet ta Kindrei handru.

Metiu 21:11

Eme iri lau mwan ma badih nane adek hawen anya, “Idah propet nyaran Jises, iy badu kon Nasaret, badu loboho Galili.”

Metiu 21:25

Kala Jon mene alomwa iri lau, iy akohok boto-on badu heh? Lakou doh badu kandrah deh, badu kon munyak le?” Eme oro andres udu ndrokowa oro le i buku doh, “Buku none to katiye anya, ‘Idoh lakou badu kandrah,’ idah kameh iy ndremenyani to ja anya, ‘Buku sah handru ya ado batehei budon tado bala ta aliy bwe?’

Metiu 21:27

Eme oro asumon boho Jises i buku doh, “Aso tana aso bwe.” Eme Jises tiye toro i buku doh, “Jo ale jo winiyan batiye bawek tado are lau handru atehei nyaran tinan eme tek ya jo amekes iri gok dah.”