Metiu 21:25 - Nyindrou

²⁵ Kala Jon mene alomwa iri lau, iy akohok boto-on badu heh? Lakou doh badu kandrah deh, badu kon munyak le?” Eme oro andres udu ndrokowa oro le i buku doh, “Buku none to katiye anya, ‘Idoh lakou badu kandrah,’ idah kameh iy ndremenyani to ja anya, ‘Buku sah handru ya ado batehei budon tado bala ta aliy bwe?’

Metiu 21:25 Referans Kwoze

Tarou ta Jon 3:18

Are lau iy atehei budon tan handru in ta nadun, iy kameh winiyan bado ta mada sahou bwe. Arile, are lau iy batehei budon tan bala ta nadun bwe, iy ndrandra-i ta mada Kindrei; iy kameh ales udu ta mada sahou, tasah iy batehei budon tan handru bala ta Nadu Kindrei ari le bwe.

Tarou ta Jon 1:15

Jon asehek nyala Jises. Iy anya, “Iy le adeh mene jo asehek taha. Jo anya, ‘Iy in hamon tek eme kameh, iy sakalawi jo ja, tasah iy bwena tek labai.’ ”

Tarou ta Luk 20:5

Eme oro asehek nyala aliy udu ndrokowa oro ari ari anya, “Buku none to katiye anya, ‘Idoh lakou badu kandrah,’ idah kameh iy ndremenya to ja anya, ‘Buku sah ado batehei budon tado bala ta aliy bwe?’

Tarou ta Jon 1:6

Kindrei suni ndramak ari ta atiye sahou nyaran Jon.

Metiu 16:7

Eme oro lau tan asehek sahou ndrokowa oro amwenen, “Sebwe iy amekes sahou doh tasah to bakohok jabi ramen bwe nadeh?”

Metiu 21:24

Jises asumon boho oro i buku doh, “Jo ale jo anya kandremenya ado ta lakou ari. Ya, buku none ado tiye amwenen eme tek, sebwe jo kameh tiye ewek tado are lau handru atehei boto-on eme tek ta amekes gok dah.

Metiu 21:26

Arile buku none to katiye anya, ‘Idoh kandriyen tiri lau le,’ idah kameh to anoh iri lau ale, tasah iri anya, Jon badeh, propet ta Kindrei handru.”

Tarou ta Luk 14:4

Eme iri badeh, ari sahou bwe. Ya eme iy tawi ndramak dah, ma mesekei iy amwenen ma hawe tiye iy iu.