Metiu 21:22 - Nyindrou

²² Ya buku none ado atehei budon boto-on ma asolom, iri lakou ado asolom ta akohok, ado winiyan kuhiy.”

Metiu 21:22 Referans Kwoze

Metiu 7:7

Jises asehek ili le i buku doh, “Ado kandremenya, ya ado kameh akohok. Ado kasilah, ya ado kameh takalahei. Ado kalim kou, ya kou kameh asak tado.

Tarou ta Mak 11:24

Ya ta sehek ta aliy i buku doh, sasah ou ndremenya i san ta salom, ya budon tam ki-in ta aliy handru i buku ou ndrandrei, idah kameh ou andrei handru.

1 Jon 3:22

Taha winiyan akohok iri lakou ereu tan eme, buku taha ndremenya iy, tasah taha badeh, anuhun sahou batanau tan, ma amekes iri kandriyen ta amekes iy kasekesek.

Metiu 18:19

Ya jo asehek ja ewek tado. Buku none ah la-uh lau badu kon munyak atehei budon ta ah i se ta ari lakou, ya ah asolom ta amekes, o, ta akohok lakou doh, mwasin tama udu kandrah winiyan atehei ewek ta-ah.

Jemis 5:16

Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.

Tarou ta Jon 14:13

Ma jo kameh amekes iri lakou marakon, buku aha ndremenya tama in ta nyarak. Eme ma tama kameh akohok nyaran i tinan i san ta nadun amwenen.

Tarou ta Jon 16:24

Ndra bwena eme asahan nane dah, ado bandremenya tama ta saba lakou ado aso-ok in ta bwele-e nyarak bwe le. Ado kandremenya, idah kameh ado andrei, ma ndrine ado kameh idih labai ta kandriyen ta sekesek udu le buku doh.

Tarou ta Jon 15:7

“Buku aha ahis hawek ma aha tawi iri sahou tek udu ndrine aha ihis, aha winiyan ndremenya jo ta iri saba lakou aha aso-ok. Jo kameh winiyan atehei ewek taha.

Metiu 7:11

Ya, i buku none ou tanam ou ndra-in, arile ou tanam ta adeu lakou mwasin ili ta nadum oro; ou winiyan atanam handru, tama ado udu kandrah kameh sekesek labai ta edeu lakou mwasin ale ili toro are lau ndremenya iy!