Metiu 20:7 - Nyindrou

⁷ “Oro asumon bohon buku doh, ‘Ari ndramak badeu gok bame taso bo-oh.’ “Ndramak nane anya, ‘Mwasin, ado ale kala kabo gok bolo bilin waen tek.’

Metiu 20:7 Referans Kwoze

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

Kolosi 1:26

Na bolo len marakon bwena ndra-au badeh, Kindrei tone sahou dah, bala tiri mwan ma badih marakon bwe. Arile, na dah ja badeh, Kindrei ndrasihi sahou mara-ei dah ndraleu, ma taha mwan ma badih marakon ta Kindrei badeh, ndranuhun.

Epesus 6:8

Tasah, aha tanan, are mwan o badih amekes gok mwasin, ya Laban kameh edeu sihine iri. Iy kameh amekes ili tiri mwan ma badih bonyo-ou, ma ili tiri mwan ma badih rayah ale.

La-ukei ta Pol atorou ili tiri lau badu kon Rom 16:25

Sendrehendreh ta aliy i buku doh: Taha badeh, katudun Kindrei. Iy le kameh winiyan aseben aha ales boto-on ta bolo budon handru taha, in hamon ta sahou mwasin mene jo atiye ewek taha. Sahou mwasin doh ta nyala Jises Krais, ma hawe in hamon ta sahou bwena mene aton mara-ei kabatana le munyak asahan eme eme taku dah.

Aposel 4:16

“To kamekes sasah handru ki turu lau kede-eh bah? Iri lau mari manyah ado Jerusalem badeh, ndratanan kalem mwasin uru amekes. Ya eme to winiyan babisiniy bwai.

Tarou ta Jon 9:4

Len dah, len tataha ta amekes gok ta iy nane suni jo eme. Buku ben asahan, ari ndramak winiya bamekes gok bwe.

Metiu 20:1

Jises asehek sahou ja anya, “Jo asehek dah tiri lau ale anya ka-en bwena, tasah tondrok ta Kindrei i buku le ndramak ari tan munyak solo-an. Na mandraben handru iy iu ili takaleh iri lau ta ame abo gok ta bolo bilin waen tan.

Metiu 20:6

Eme na mada an limeh na beyeh, iy ili ja iy atou oro lau ra-on ales laleyah, eme iy ndremenyani oro, ‘Buku sah handru ya len ari ma buruwen dah ado ales laleyah ya ado bamekes ari gok bwe?’

Metiu 20:8

“Kon abeyeh handru tama bilin waen nane tiye ta ndramak ta in bwena ta gok tan buku doh, ‘Ou luhi oro lau ta gok kame ya ou adeu sihine oro. Ou adeu sihine oro lau ame hamon ta gok bwena, kano ou adeu sowa oro lau mari kili kisos are lau eme bwena handru ta gok.’