Metiu 20:27 - Nyindrou

²⁷ Ya are lau anya kereu bwena tado, iy kasahan ndramak ta gok laleyah kereu ndrokowa ado.

Metiu 20:27 Referans Kwoze

Tarou ta Luk 22:26

Arile, ado badeh, sala buku doh, ndri-iy labai. Are tado nyaran udu loken badeh, katehei iy keme andri ki buku nah bwisik. Ya are tado udu bwena badeh, iy kasahan lau ta gok kereu ndrokowa ado.

2 Korin 4:5

Ehe, sahou dah handru, tasah ahi badeh, batiye sahou tahi bwe. Ahi atiye sahou i buku doh: Krais Jises, iy badeh, Laban tataha, ma ahi lau ta gok taha, tasah Jises aloh ahi ta amekes iri gok doh.

Metiu 18:4

Ndramak atehei budon tan asahan buku le nah, ndramak doh kameh nyaran asahan tinan ereu bolo tondrok ta Kindrei.

La-ukei ta Pol atorou ili tiri lau badu kon Rom 1:14

Jo anya kedeu saluwe lahou tiri lau mari, ki tiri lau badu Grik ma Grik bwe, ma hawe ki tiri lau ta tanan, ma ki tiri lau tana iri lakou bwe.

2 Korin 12:15

Eme ma, jo kameh sekesek ta edeu iri lakou tek mara-ei, ma hawe kohak ewek taha ta aseben aha asahan iri lau boto-on ta Kindrei. Handru, jo badeh, aso-ok aha labai. Arile, sebwe aha tanan lakou doh nadeh? Eme ma, tasah handru aha batehei ndrine aha mara-ei bame tek bwe?

2 Korin 11:5

Aha kanuhun! Jo amwenen abudon, jo badeh, bare bahandra iri aposel taha nane, aha abudon iri are bwele-en labai, bwe!

Metiu 20:26

Arile kandriyen doh sa-en ndrokowa ado, ndri-iy. Ndramak anya ki tinan kereu ndrokowa ado, iy kasahan lau ta gok kereu ndrokowa ado.

Metiu 20:28

Idoh le Nadu Ndramak Awas eme ta iri lau kabo gok i tan bwe. Iy eme ta aseben iri, ma ta edeu kohan ta akunoh lau mari.”