Metiu 20:26 - Nyindrou

²⁶ Arile kandriyen doh sa-en ndrokowa ado, ndri-iy. Ndramak anya ki tinan kereu ndrokowa ado, iy kasahan lau ta gok kereu ndrokowa ado.

Metiu 20:26 Referans Kwoze

Tarou ta Mak 10:43

Arile, kandriyen doh sa-en ndrokowa ado, ndri-iy. Ndramak anya ki tinan kereu ndrokowa ado, iy kasahan lau ta gok kereu ndrokowa ado.

Tarou ta Mak 10:45

Tasah Nadu Ndramak Awas ale eme ta iri lau kamekes gok tan, bwe. Iy eme ta aseben iri, ma ta edeu kohan ta akunoh lau mari.”

Tarou ta Mak 9:35

Eme Jises manyah udu andri, ano iy luhi oro lau tan ma ronoh la-uh ame hawen, ano iy tiye i toro, “Are lau anya ki bwena badeh, iy ki-in ndrobek, ma iy ki ndrahu so-ok ta lau mari.”

1 Pita 5:3

Aha samekes kandriyen buku none aha an bwena tiri bonyo-ou, ma lau ndrahu so-ok, ya aha banuhun sahou tiri lau nane Kindrei ndratehei iri ndrawek bahandra aha ta atondrok bwe. Arile, aha kamekes le iri kandriyen mwasin, ma aha kasahan buku none iri lau an bwena ta leheya san mwasin ili tiri lau.

Tarou ta Luk 18:14

“Jo katiye tado kamwenen, iy Parasi, bwai, arile ndramak ta akohok luk ta takis dah kameh iu i hamon i asiu tan, ma iy kameh udu mwasin ta mada Kindrei. Eme ya i buku none, are lau atudun iy le, idah kameh, iy ari nyaran bwe, ya i buku none are lau batudun iy bwe, idah kameh nyaran i tinan.”

1 Pita 4:11

Buku none ari ndramak ndrakohok ndramas ta Kindrei ta tiye sahou i ta lau, iy badeh, kasehek sahou ki ta lau, bwilin sama ndri-iy, tasah iy badeh, asehek buku le boho Kindrei. Buku none ari ndramak ibo gok ta aseben ndramak ari ja, mwasin, iy kibo gok ma boto-on na boto-on ta Kindrei ndratehei ndra tan. Buku none aha amekes i buku doh, iri lau kameh anyolom iri kandriyen mwasin asahan, ma iri kameh adeu nyaran tinan i ta Kindrei ta lakou mari Krais ndramesekei. Ma iy kameh akohok nyaran tinan, ma iy kameh atondrok lakou mari ereu le buku doh. Handru.

Metiu 25:44

“Oro kameh asumon i buku doh, ‘Laban na kahis aso atou ou amak son, deh, balem amar, deh, ou lau badu leheleh, deh, ou kolau ta taliye bwe, deh, ou abo sik, deh, ou a-en bolo kou, ya aso banyohan ma bawek batou ou bwe?’

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

Pilemon 1:13

Jo mene amekes gok ta atiye sahou mwasin, ma iri atehei jo ili bolo asiu lulik. Eme ma, jo bwetenei kandriyen mwasin ta Onesimus ja amekes udu bolo asiu lulik hawek, ya jo abudon ta iy kudu hawek kudu gwek, ma iy i nyara ou winiyan aseben jo udu dah.

2 Timoti 1:18

Ou ale ndratanam mwasin labai ta iri seben Onesiporus mene anyohan jo, kala jo udu kon Epesus. Eme ma, jo aso-ok Kindrei katikisi iy ta len doh kameh, iy atehei iri mwan ma badih a ta mada sahou.

2 Korin 1:24

Na len jo asehek “Jo ibolosen ewek taha” jo basehek anya ahi atondrok budon taha bwe. Ahi tanan aha ales boto-on ta budon taha. Ahi abo gok le hawe aha, ta amekes aha kasekesek.

Aposel 13:5

Uru ala asos kon Salamis badeh, oro asehek sahou ta nyala Kindrei udu ndrahu tukum tiri Juwis. Ya Jon udu hawe uru, buku ta aseben uru.

Tarou ta Jon 18:36

Jises anya, “Boto-on ta tondrok tek badeh, badu kon munyak dah bwe; i buku boto-on ta tondrok tek badu kon munyak, badeh kameh iri lau tek winiya amekes bahun hawe iri Juwis, ta iri sandrei jo same hawem. Arile boto-on ta tondrok tek badeh, badu kon rakon ja.”

Metiu 27:55

Iri badih solo-an ale ales areu len anyolom le, iri mene areu hamon tan adek loboho Galili ame ta aseben iy.

Rebelesen 17:6

Iy badih doh mene idi iri mwan ma badih ta Kindrei, ma iri lau atehei budon tiri handru in ta Jises, ma iri atiye sahou tan. Ma jo anyolom i badih doh a-un ndraye iri, ma bwidi batun ibo lolo-ou, i buku ari badih iy a-un gwa boto-on solo-an labai, ma bwidi iy ibo lolo-ou. Jo anyolom lakou doh, manik atur, ma jo abudon solo-an labai.

Metiu 20:27

Ya are lau anya kereu bwena tado, iy kasahan ndramak ta gok laleyah kereu ndrokowa ado.

Tarou ta Luk 22:26

Arile, ado badeh, sala buku doh, ndri-iy labai. Are tado nyaran udu loken badeh, katehei iy keme andri ki buku nah bwisik. Ya are tado udu bwena badeh, iy kasahan lau ta gok kereu ndrokowa ado.