Metiu 20:14 - Nyindrou

¹⁴ Ou akohok sihinem ma ou a-au ai. Na so-ok tek amwenen ya jo edeu sihine i ndramak nane in hamon eme i buku le ado nane ame bwena.

Metiu 20:14 Referans Kwoze

Tarou ta Jon 17:2

Tasah ou ndratehei boto-on tam ndrame tek ta atondrok iri lau marakon, ma jo kameh edeu kohak udu luluwen ili toro lau nane oro atehei budon toro in tek.

Tarou ta Luk 15:31

“Eme taman anya, ‘Naduk, ou badeh, badu hawek ya lakou tek mari kameh i tam.

La-ukei ta Pol atorou ili tiri lau badu kon Rom 3:19

Ya nadah, taha ndratanan, iri sahou mari, batanau ta Kindrei amekes, idoh badeh, i tiri ado bahandra tondrok ta batanau doh. Eme ma, ari mwan o badih ja winiyan basehek anya, “Jo mwasin mara-ei,” bwe. Taha mwan ma badih badu kon marakon amekes lakou ndra-in i ta mada Kindrei, eme ma batanau tan kameh atehei taha mara-ei a ta mada sahou.

La-ukei ta Pol atorou ili tiri lau badu kon Rom 3:4

Winiyan bwe! Buku lau marakon kamekes kandriyen ta wasai, Kindrei le ari badeh, bwe! Iy badeh, asehek le sahou handru len marakon, i buku none ndratorowenei, “Kindrei, na saba len ou asehek, idah kameh, ou aleben sahou, ndra handru le; ya buku none ari ndramak anya katuw ou a ta mada sahou, idah kameh, ou winiyan bakunoh bwe, iy le kameh kakunoh mara-ei.” Wari 51:4

Metiu 6:16

Jises asehek ili le i buku doh, “Ki buku none ado anya kabeles ado ta nyamon, ado samekes teheya mada ado sandra-i sala buku iri lau ta wasai amekes. Ya iri lau ta wasai leheya mada iri ma teheya iri ta lau katou iri, kabeles iri ta nyamon. Jo katiye tado handru, oro ndrandrei sihine oro mara-ei ndrano kabwe.

Metiu 6:6

Arile, ado anya kasolom, ado kala bolo asiu tado, ya ado kasulu-i kou kili, ma ado kasolom kili ta tama ado, iri lau winiyan batou iy bwe. Ano ya, tama ado udu kandrah ndratou ado amekes lakou i san kabwak, ma idah kameh iy edeu sihine ado.

Metiu 6:2

“Ya, i buku ado kadeu lakou ili tiri lau ndra-in, ado soloh ndrah ta lau katanan ado, ndri-iy, sala buku iri lau ta wasai amekes udu bolo asiu ta atukum, ma udu bolo iri kon tinan ale, ta iri lau kamasiye ma katudun oro. Jo katiye handru, oro ndrakohok sihine oro ndrano kabwe.

Tarou ta Luk 16:25

“Arile, Abraham anya, ‘Naduk, ou none lomondra ou mene ado awas se. Ou badeh, mene akohok lakou mwasin, ya Lasarus mene badeh, anyidiu lakou ndra-in. Arile, na dah, iy manyah udu mwasin ai, ya ou ado ta sisi-in ai.

Metiu 20:13

“Tama bilin nane anuhun sahou doh ya iy tiye ta ndramak ari toro lau ta gok nane anya, ‘Kawas tek, jo bamekes ari ndra-in bawek tam bwe, sebwe na mandraben handru, talu asehek ta ou kameh akohok luk ronoh (K1), neh?

Metiu 20:15

Idoh lakou tek amwenen. Sebwe jo winiyan ba-en hamon ta budon tek amwenen ta ondrek luk tek bwe nadeh, neh? Buku none jo anya kamekes kandriyen mwasin ki toro lau doh, buku sah handru ya ou abudon andra-i.’ ”