Metiu 20:1 - Nyindrou

¹ Jises asehek sahou ja anya, “Jo asehek dah tiri lau ale anya ka-en bwena, tasah tondrok ta Kindrei i buku le ndramak ari tan munyak solo-an. Na mandraben handru iy iu ili takaleh iri lau ta ame abo gok ta bolo bilin waen tan.

Metiu 20:1 Referans Kwoze

Metiu 13:47

Jises asehek kundruh ili ja: “Sahou sokek ari ja i buku doh. Tondrok ta Kindrei i buku none le ari kubwin iri lau akahei ili bolo gwa li. Ya kubwin nane akohok iri ni buku liliy.

Metiu 13:24

Jises asehek sahou sokek ari ja i toro. Iy asehek i buku doh, “Tondrok ta Kindrei i buku none le ndramak ari atah buwa wit mwasin le udu bilin tan.

1 Korin 15:58

Eme ma, aha nadu tine mwan ma badih i san ta Krais, aha kabadok, ma aha kado le rasi. Tasah aha ndratanan, lahou boto-on aha amekes ta Laban kameh winiya ba-au laleyah bwe.

Tarou ta Jon 15:1

Jises anya, “Jo bada kei waen handru, tama badeh, iy tama bilin handru.

Metiu 25:1

“Tondrok ta Kindrei udu kandrah i buku le oro badih bihin ma ronoh. Ndramak ari anya ki tasou. Eme ma, iri badih bihin doh bwese-ei sun toro ta ala ndruni iy in san ma tiyani iy eme ta molak.

Metiu 22:2

“Tondrok ta Kindrei i buku none ari kabin, nadun mwan anya ki tasou, ya kabin nane mesekei tine nyamon.

Metiu 13:33

Jises asehek sahou sokek ari ja. Iy anya, “Ado kanuhun! Tondrok ta Kindrei kameh asahan buku none yis. Ari badih kuhi yis nane ma iy tubuni i hawe rahak ndrom tinan palawa. Iy tubuni ili ili winiya palawa mara-ei apus eme loken.”

Metiu 13:31

Jises asehek sahou sokek ari ja i toro. Iy asehek i buku doh, “Tondrok ta Kindrei badeh, i buku buwa kei ari iri aloh mastet. Ndramak ari kuhi buwa mastet ya iy ili tahiy in bolo bilin tan.

Metiu 25:14

“Tondrok ta Kindrei kameh i buku le ndramak ari anya kedek kili kon ari leheleh, ya iy luhi oro lohowan tan ya iy indrom luk tan ili toro ta oro katondrok.

Tarou ta Mak 13:34

Ya idah kameh, i buku none ndramak ari anya kedek kili kon ari leheleh, ya iy atehei iri lohowan tan atondrok ai, iy ari ari in ta lahou tan labai, iy ari ari in ta lahou tan labai. Ma iy tiye ta ndramak ta madasan badeh, madan kaleu.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Metiu 23:37

Jises asehek sahou ja anya, “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile ado bwale ado!

Metiu 21:28

Jises asehek sahou i toro pris ma hawe oro lau tinan ja i buku doh, “Ehe, ya ado abudon buku sah? Ndramak ari nadun la-uh. Iy ili hawe nadun kadok iy tiye tan buku doh, ‘Naduk, ou ala abo gok bolo bilin waen.’

Metiu 20:2

Oro lau ta gok nane ndraso-ok ta akohok luk ronoh (K1) ta len ari, eme ndramak nane suni oro ala abo gok bolo bilin waen tan.