Metiu 2:13 - Nyindrou

¹³ Udu bada len oro anya ka-au le badeh, angelo ta Kindrei ari eme tiye ta Josep udu bolo ameh na ben. Iy tiye i buku doh, “Ou amak! Ou andrei iy nah hawe tinen, ma ado katobwak ka-au kala Ijip. Ado kado gwek winiya jo le baratiye ou, tasah Herot kameh asilah iy nah dah ta idi iy kimek.”

Metiu 2:13 Referans Kwoze

Aposel 12:11

Ano Pita baraseleyani ai, ta sasah nane asahan ma eme iy anya, “Jo ndratanan ndramwenen handru ai. Laban badeh, suni angelo tan eme sebenei jo ta bolo mine Herot boto-on, ma hawe ta mine iri Juwis mari anya kamekes keme badak.”

Aposel 10:7

Ano iy angelo nane asehek sahou i tan iu badeh, Koniliyus eme luhi uru lohowan tan ame ma hawe ndramak ari ta bahun. Iy ndramak ta bahun doh badeh, atehei budon tan handru in ta Kindrei. Ma iy badeh, ta lohowa Koniliyus na len mari.

Aposel 5:19

Arile, na ben badeh, angelo ta Laban eme sihi iri madasan ta i bolon asak ma kuhi oro ame len,

Metiu 2:12

Na ben oro amadin ma oro ameh Kindrei batanau oro sala hamon ja sala hawe kabin Herot, oro kala hamon kala kon toro kala san rasan ja.

Metiu 1:20

Arile iy abudon kahis le badeh, angelo ari ta Kindrei asahan ta Josep udu bolo ameh ya asehek i buku doh, “Josep nadu Debit, ou sanoh ta akohok Mariya ewek udum. Tasah, na boto-on ta Malawin Ndrabun Mariya susune nah.

Metiu 2:16

Herot i tanan oro lau ta tanan badeh, ndrawendreyani iy. Eme ma iy ibolosen handru ma iy atehei sahou boto-on i tiri lau ta bahun tan ta kadai iri nah mwan mari badu Betlehem. Iri nah doh ala jaha tiri udu kalama jaha la-uh eme andri. Iy atehei sahou ta adai nah mwan mari kamak, amwenen ta len iy i tanan ma iy seleyani oro lau ta tanan.

Rebelesen 12:14

Arile, iri angelo atehei bani manyuwe ma la-uh i ta iy badih nane doh, ta iy winiyan atah iu ili lokei bolo kon lomale an, lau bare aliy bwe. Loboho doh badeh, Kindrei ndralokowaniy le. Eme ma iy winiyan udu len labai ta mwak laba tinan banin ere aliy. Ma iri angelo ale kameh winiyan atondrok iy ta nyamon udu loboho doh, winiya jaha taloh ranah.

Aposel 16:36

Eme iy tiye sahou i ta Pol uru Sailas anya, “Iri lau ta anuhun sahou anya ah ka-au ai. Abo, ah ka-au ma mwasin.”

Aposel 10:22

Eme oro lau anya, “Aso dah ado hawe Koniliyus ndramak batun tiri lau ta bahun badu Rom ame dah. Iy badeh, ndramak mwasin handru ma iy badeh, inoh Kindrei labai, ma iy badeh, iri lau mari badu Isra-el aso-ok iy tinan labai. Angelo ndrabun badeh, tiye tan ta ou ala asiu tan, ya eme iy kanuhun sahou badu bohom.”

Aposel 7:19

Iy eme wendreyani iri lau tataha, ma amekes kandriyen ndra-in handru i ta tubu taha iri. Iy indrek iri badeh, kakeh nadu iri ma borolak le kamak ka-au.

Metiu 10:23

Ya buku none are lau mwan deh badih badu saba kon tinan amekes ndra-in ewek tado, mwasin, ado katobwak kala kon tinan ari ja. Jo asehek sahou handru ewek tado, ado winiyan babwidi gok dah bano bwe udu bolo iri kon tinan badu Isra-el, ya jo Nadu Ndramak Awas ta Kindrei kameh eme hamon ja.

Rebelesen 12:6

Eme ma iy badih nane dah atobwak iu ili lokei, loboho kon lomale an lau bado aliy bwe. Loboho doh badeh, Kindrei ndralowosaniy le, ta iy badih doh kameh ili udu aliy. Ma iri kameh atondrok iy, ma adeu nan nyamon ili ili winiya le len ma rawa lunek ndro hanoh (1,260) ano.

Rebelesen 12:4

Kiwin badeh, asiri ndrau ranah ma buruwen badu kandrah, ma akahei mari iu ili andri kon munyak. Ya, ndrau ma lubuk le badeh, erah udu kandrah ai. Mwak laba tinan nane banin ere aliy badeh, ales ere batala iy badih nane, atondrok ta anya kaimon nadu i badih nane doh, buku iy atehei iy eme le len.

Metiu 2:22

Arile Josep anuhun Akela-us ja badeh, atondrok Judiya, ma iy akohok ndrahune taman Herot. Eme ma bwidi iy inoh ta ili loboho doh. Arile, udu bolo ameh ta Josep, Kindrei batanau iy ta oro ka-au kala loboho Galili.

Metiu 2:14

Josep amak eme loken iy andrei iy nah dah hawe tinen ma oro atobwak na le ben au ala Ijip.

Aposel 12:7

Eme nawin bwe badeh, angelo ta Laban ari asahan, ma lomadan lomatani bolo kou dah. Iy tukuhi kabede Pita ma mete-ei iy amak anya, “Ou suri ou suwi!” Eme badeh, sen asoh laleyah bada bobwan tan.