Metiu 2:11 - Nyindrou

¹¹ Oro ame asos asiu, oro atou nah dah udu hawe tinen Mariya, eme ya oro atehei bwili ndru-u oro i andri, ma atudun nadun. Ano oro aseh kohei kohoya luk toro, ma adeu gol hawe suluw ta amekes kasu-er ili manahun mwasin, ma hawe kei ta suluw aloh mer.

Metiu 2:11 Referans Kwoze

Tarou ta Luk 2:16

Eme ya oro suri oro suwi suwi, ma oro ala takaleh, ma atou Mariya uru Josep, ma anyolom nah nane dah, amadin udu bolo bwekei ta ndrahu nyamon ta bulumakau.

Metiu 2:2

ma oro ndremenya, “Iy nah nane ndrasahan ma iy kameh asahan kabin tiri Juwis, iy ndraheh? Aso anyolom ndrau tan anya udu loboho mada an eme loken, eme ma aso ame dah ta atudun iy.”

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Metiu 14:33

Eme ma oro lau areu bolo ndron nane asolom i ta Jises ma oro anya, “Handru labai, ou Nadu Kindrei handru.”

Rebelesen 5:8

Iy ili andrei buk, ano oro lakou ma mulin ma hahuw, hawe oro batun ma lunoh hahuw (24) atehei bwili ndru-u oro i andri udu mirihik ta Nadu Sipsip ta Kindrei. Oro batun ari, ari badeh, tawi ndran iri aloh hap, udu mine oro hawe bwekei raben bek nyikilikin. Ma eh manahu buburen irek udu bolo bwekei doh, ma tuhi bwekei mara-ei. Idoh leheya buku salom ta lau mwan ma badih ta Kindrei marakon.

Tarou ta Luk 2:38

Eme iy eme isos hawe oro na len doh, ma iy edeu wurah i ta Kindrei, hawe iy asehek nyala nah doh, i tiri lau heh mari abe-en bohon ili bwena, ta ndramak ta akunoh iri Jerusalem.

Jenesis 43:11

Ano tama oro badeh tiye toro, “I buku none badeh handru eh, ado kandrei lakou ta bilin dah katehei ki bolo ndrom tado kewek ki ta ndramak ta atondrok munyak mari badu Ijip: Ado kandrei sese ndrelekei ta resen, rayah bwirik, rayah spais (lakou i buku lei), rayah buwa pistasin, ma hawe almon (buwa kei i buku nyalin).

Metiu 1:18

Idah sare Jises Krais eme asahan. Tinen Mariya san tan ta tasou ili ta Josep, arile bwena turu, uru bala tasou bwe le, Mariya badeh ndratanan iy kameh tuwi nah ari na boto-on ta Malawin Ndrabun.

Metiu 2:10

Na len oro atou ndrau anya, oro sekesek handru.

Metiu 12:46

Jises asehek sahou hawe iri lau mari nane kahis le, tinen hawe oro nadu tinen ame ales areu manan. Oro anya kasehek sahou hawen.

Tarou ta Jon 19:39

Nikodemus, iy le mene ili atou Jises na ben rasan. Iy ili hawe Josep ale. Iy bwese-ei kohei rahak irek tiri suluw ma iri nyasou manahu buburen. Maha-an tiri suluw doh i buku kilo tonoh hahuw (34).