Metiu 19:9 - Nyindrou

⁹ Jo asehek ewek tado i buku doh. Buku none udu ari ndramak bamekes madasarah bwe, ya udun ruwani iy, ma iy i tasou i ta badih ari ja, iy le mesekei karei i tan.”

Metiu 19:9 Referans Kwoze

Metiu 5:32

Arile jo katiye ki buku doh, i buku none are lau kisan tasou tan ma katikah udun ki-iu, ya iy badih tan badeh, bamadin hawe ari ndramak ja bwe, iy badeh, amekes udun i buku badih ta madasan. Iy mwan ale andrei badih ari bwena, udun ndratikahei iy, iy ale amekes kandriyen ta karei.”

Tarou ta Luk 16:18

“Ya, i buku none are lau katikahei udun ki-iu, ano ja iy kasudi badih ari ja, iy le mesekei karei i tan. Ya i buku none are ndramak kasudi ari badih udun ndratikahei iy, iy le mesekei karei i badan.

1 Korin 7:39

Iy badih i tasou ili ta ndramak mwan, iy udu bahandran winiya iy ndramak mwan imek. Ano iy badih udu nyau, iy winiya i tasou ja ta are ndramak mwan, amwenen ta budon tan. Arile, iy ki tasou kili ta ndramak, iy atehei iri budon tan marakon handru in ta Laban le ari.

1 Korin 5:1

Jo anuhun iri kundruh i buku doh, iri kandriyen ndra-in labai ta karei asahan udu bolo ndrokowa aha. Handru, iri lau tana iri Kindrei bwe, iri amekes kandriyen ta karei, arile kandriyen ta karei ere taha ja badeh, ndra-in labai mara-ei ja tiri lau nane ta tana iri Kindrei bwe. Kandriyen nane ahi anuhun i buku doh, ndramak ari amekes karei, o amadin hawe tinen ari ja.

Jenesis 20:3

Arile Kindrei asahan ta Abimelek na ameh na ben ma tiye i tan, “Ou kameh amak tasah ou andrei badih tasou badeh.”

1 Korin 7:4

Iy badih winiya batondrok badan amwenen bwe, tondrok ta mwan le ari. I buku le bada iy mwan badeh, tondrok ta udun badih le ari amwenen.

Metiu 19:8

Eme Jises asumon i buku doh, “Batu ado boto-on labai, eme Moses aruwe ado ta atikah badih iu. Arile bwena handru kandriyen doh bwe.

Metiu 19:10

Oro lau ta Jises anuhun sahou doh, ya oro asehek i buku doh, “Buku none ndramak anya ki-in hamon ta kandriyen buku doh ya iy in hawe udun, sebwe mwasin mwan satasou, ndri-iy.”