Metiu 19:16 - Nyindrou

¹⁶ Eme ndramak ari eme atou Jises ma iy anya, “Ndramak ta leheya, jo kamekes saba kandriyen mwasin handru ya jo kakohok kohan mwasin ta ereu le buku doh len mari?”

Metiu 19:16 Referans Kwoze

La-ukei atorou Jut 1:21

Kindrei aseken aha handru, ya aha katehei aha kado ndra mirihik ta so-ok tan, buku aha abe-en ta tikisiy ta Laban tataha Jises Krais atiye kohan handru ta udu le buku doh ewek taha.

Tarou ta Jon 3:15

Buku are lau iy atehei budon tan handru in ta Nadu Ndramak Awas, idah kameh kohan handru winiyan bano bwe, iy kameh ta udu le buku doh.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

1 Jon 1:2

Sahou dah asahan eme lewan, ya aso anyolom na mada aso, ma aso asehek nyala aliy. Ya aso tiye ewek taha dah, ta nyala kohan handru winiyan bano bwe. Ma bwena iy in hawe tama taha Kindrei, ya idah iy ndrasahan ndrame lewan, ma aso atou iy na mada aso amwenen.

Metiu 25:46

“Ya oro kameh au ala bolo kon ndra-in, arile iri lau mwasin kameh au ala bolo kon mwasin.”

Taitus 3:7

Ya eme, to badeh, kamekes budon ta to kirih ma kabadok, ta bolo manyah tato udu le buku doh hawe Kindrei. Ki buku none ari nah abe-en lakou mwasin badu mine taman. Tasah, na kandriyen ta tikisiy tan le badeh, mesekei to ado mwasin labai ta madan.

1 Jon 2:25

Ma, iy ndratandrakan ta edeu kohan handru eme tataha, kameh ta udu le buku doh.

Taitus 1:2

Eme ya, ta tanan handru doh badeh, oro winiyan atanan oro udu mwasin ta koha oro winiyan ta bano bwe. Ma oro winiyan atanan udu mwasin labai ta Kindrei badeh, ndramak ta wasai bwe. Eme ya udu ndra bada katin, ta lakou mari basahan bwe le badeh, Kindrei tandrakan iri lau tan kameh winiyan bamak bwe. Iri kameh ado hawen udu le buku doh.

1 Timoti 6:19

Ya, ki buku none oro kamekes kandriyen doh, idah kameh, oro atukum toro le lakou mwasin labai, ta udu le buku doh na len hamon kameh eme. Ya idah kameh, oro winiyan kuhi koha oro handru.

1 Timoti 6:12

ou badeh, abadok ta sakaliye ta budon handru. Ma ou anyolom ki bwena ta koham handru ta winiyan bamak bwe. Ma koham handru doh mene Kindrei ndratehei ndrawek tam; na len iy aloh ou ame len, asehek budon tam handru i ndranye lau mari anuhun.

Aposel 16:30

Ano iy kuhi uru ame manan, ma eme iy lelen uru anya, “Ah ma la-uh, jo kamekes sasah handru ya jo kakohok kohak handru ta udu le buku doh?”

La-ukei ta Pol atorou ili tiri lau badu kon Rom 5:21

Kandriyen ndra-in le badeh, bwidi imek asahan, eme ma, ta kandriyen ndra-in le doh, iy asahan i buku kabin. Arile, na idah ja, tikisiy ta Kindrei ndrasahan ndra buku kabin. Tasah, ta gok ta tinan tataha, Jises Krais le, Kindrei badeh, tikisi taha, ano iy aloh taha lau mwan ma badih mwasin labai ta madan, eme ma taha akohok kohan handru kameh ta udu le buku doh.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

Tarou ta Jon 12:25

Iy are lau iy atehei budon ma kohan amwenen in ta munyak dah tinan labai, kohan kameh ano laleyah. Arile, buku are lau iy batehei budon ma kohan amwenen ba-en ta munyak dah bwe, kohan kameh winiyan bano bwe, kameh udu le buku doh.

Tarou ta Jon 10:28

Jo atehei kohak handru ili tiri, ma iri kameh winiyan bamak bwe, ma ari ndramak winiyan baruwi iri ado minek bala len bwe.

Tarou ta Jon 6:68

Saimon Pita eme asehek ili tan i buku doh, “Laban, are handru kameh aso kala hawen? Sahou ou asehek badeh, kohan handru udu aliy iy winiyan bano bwe, iy kameh ta udu le buku doh.

Tarou ta Jon 6:47

Handru labai jo tiye taha. Are lau iy atehei budon tan eme tek, idah kameh kohan handru winiyan bano bwe ta udu le buku doh.

Tarou ta Jon 5:39

Aha abo gok ta asilah sahou iri torowenei udu bolo buk ndrabun, tasah budon taha anya, iri sahou doh kameh adeu taha kohan handru udu le buku doh. Idoh mwasin, arile sahou iri ndratorowenei badeh, nyarak udu aliy, ma kohan handru ale badeh, udu ndra hawek.

Tarou ta Jon 4:14

Buku are lau a-un gwa, jo edeu i wa-in, balen kameh winiyan bamar ja bwe. Gwa nane jo edeu i wa-in doh kameh asahan i buku gwa mulin udu bolo odan eme loken ma edeu kohan handru ta winiyan bano bwe, kameh ta udu le buku doh.”

Metiu 19:29

Ya are mwan ma badih ale abudon nyarak, ma iy ruwani asiu tan ma nadu tinen mwan ma buru-un, ma taman uru tinen, nadun ma bilin tan, iy kameh akohok ndramas buku san rinek (100) ja i la-un, ma akohok kohan mwasin ta ereu le buku doh.

1 Timoti 1:16

Ta katin doh, Kindrei tikisi jo, ta Krais Jises baruwani jo bwe, eme ya iy kaleheya iy mari udu bolok, tasah jo ndramak ndra-in labai ta lau mari. Ya jo badeh, i buku none ndramak ma mwena handru ta amekes kandriyen ndra-in. Ya, i buku none iri lau ado hamon kame kanyolom, ya eme iri katehei budon tiri handru badeh, ki ta Jises, ma iri kakohok koha iri mwasin, ta bano bwe, ta kudu le buku doh.

Metiu 19:26

Eme Jises anyolom amwenen i toro, ma iy anya, “Lau winiyan bwe. Arile Kindrei winiyan mesekei lakou mari.”

Metiu 19:15

Eme iy atehei minen i la-u iri nah nane, ano iy ruwani kon nane ma iy iu.