Metiu 19:15 - Nyindrou

¹⁵ Eme iy atehei minen i la-u iri nah nane, ano iy ruwani kon nane ma iy iu.

Metiu 19:15 Referans Kwoze

2 Timoti 3:15

Eme ma, ou ale tanam lakou doh: Ou mene ma nadu nah bwisik kahis, tinem mene leheya ou, ma ou akohok tanan ma bwena ta buk ndrabun. Ou tanam, buk ndrabun dah winiyan ta edeu budon mwasin ewek tam, ma Kindrei kameh andrei ou ame hamon. Tasah, ou atehei budon tam mara-ei in ta Krais Jises.

1 Korin 7:14

Tasah, aha tanan, buku are lau mwan iy batehei budon tan ba-en ta Krais bwe, arile, iy i tasou, ma iy ili udu hawe badih ta Kindrei; ta idoh, iy mwan kameh asahan mwasin ta budon ta Kindrei. Ya, buku are badih batehei budon tan ba-en ta Krais bwe, arile, iy i tasou, ma ili udu hawe mwan ta Kindrei; ta idoh, iy badih ale kameh asahan mwasin ta budon ta Kindrei. I buku bwe eh, nadu uru kameh asahan buku iri lau tana iri ta atudun Kindrei bwe. Arile, idah nadu uru ale ndrasahan mwasin ta budon ta Kindrei.

Tarou ta Mak 10:16

Eme iy nyuruwini iri nah nane ame hawen. Iy atehei minen i bwele-e oro ari ari, ma asehek sahou ta nyosowan boto-on i tiri nah dah.

Metiu 19:14

Arile Jises tiye toro lau tan i buku doh, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh.”

Metiu 19:16

Eme ndramak ari eme atou Jises ma iy anya, “Ndramak ta leheya, jo kamekes saba kandriyen mwasin handru ya jo kakohok kohan mwasin ta ereu le buku doh len mari?”