Metiu 18:5 - Nyindrou

⁵ Ya buku none ari ndramak abudon jo ya iy aseben ari nadu nah bwisik buku nah dah, badeh iy aseben jo.”

Metiu 18:5 Referans Kwoze

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

Galesiya 4:14

Ya eme sik tek badeh, ndra-in labai, arile aha basumukok jo bwe. Handru, aha nyowo-ei jo, i buku none angelo ta Kindrei badu loken; ya, i buku none Jises Krais keme i buku none jo dah, sebwe aha kandrei iy, ki le buku jo nadeh?

Tarou ta Jon 13:20

Ado kanuhun, jo tiye tado handru, are lau iy akohok ma aseben ndramak nane iy amekes lahou tek, idoh i buku none le iy akohok jo ma aseben jo ale. Ma are lau akohok jo, idoh i buku none le iy akohok Kindrei iy suni jo eme dah.”

Tarou ta Mak 9:37

“Ya buku none ari ndramak abudon jo, ya iy aseben ari nadu nah bwisik buku nah dah, badeh iy aseben jo. Ma are lau oro aseben jo, badeh, oro baseben jo le bwe, arile oro ale aseben Kindrei iy nane suni jo eme dah.”

Tarou ta Luk 9:48

Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.”

Tarou ta Mak 9:41

Jo tiye tado handru! Are lau atehei bwiniu gwa i wa-im, tasah ou badu hawe Krais, sihine i lau doh winiyan ba-au laleyah bwe.

Metiu 25:45

“Iy kameh asumon i buku doh, ‘Handru jo tiye tado, buku none ou bamekes bala ta ari ndramak laleyah kede-eh bwe, ou bamekes bame tek bwe le.’

Metiu 7:8

Tasah, iy are lau ndremenya, iy kameh akohok. Iy are lau asilah, iy kameh takalahei. Ya, iy are lau alim kou, ya kou kameh asak tan.

Metiu 18:4

Ndramak atehei budon tan asahan buku le nah, ndramak doh kameh nyaran asahan tinan ereu bolo tondrok ta Kindrei.

Metiu 18:6

Jises asehek ja anya, “Buku none ari ndramak bwidi ari nadu nah ale atehei budon tan eme tek taku ta kandriyen ndra-in, sebwe mwasin ta ndramak doh kasawei ari bek maha-an ki balen ma kakahei iy katuh kili bolo ndras lawe-en ya iy kimek.