Metiu 18:4 - Nyindrou

⁴ Ndramak atehei budon tan asahan buku le nah, ndramak doh kameh nyaran asahan tinan ereu bolo tondrok ta Kindrei.

Metiu 18:4 Referans Kwoze

Jemis 4:10

Ta mada Kindrei badeh, aha katehei aha ka-au kala andri mara-ei. Buku aha amekes i buku doh, iy kameh mani ndra-in taha, ma suruni aha au ala loken mara-ei labai.

Tarou ta Luk 14:11

Eme ya, i buku none are lau anya katudun iy ki loke, iy kameh ari nyaran bwe. Ya are lau amekes iy i buku iri nah nadu bwisik, idah kameh, nyaran i tinan.”

Tarou ta Mak 10:43

Arile, kandriyen doh sa-en ndrokowa ado, ndri-iy. Ndramak anya ki tinan kereu ndrokowa ado, iy kasahan lau ta gok kereu ndrokowa ado.

Tarou ta Luk 9:48

Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.”

1 Pita 5:5

Eme ma aha loweu, aha kanuhun sahou tiri lau-en, ma ka-en hamon ta aliy. Aha sala ta bar ndra-in, ndri-iy. Aha mari kamekes kandriyen ta adeu ndrine aha ma so-ok taha ki andri bahandra so-ok ta nadu tine aha ari ja. Tasah, aha ndratana aha in bolo buk ndrabun asehek i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara iri, ma so-ok tiri i andri mara-ei.” Tanan 3:34

Metiu 18:1

Kala doh oro lau ta Jises ame hawen ma ndremenya iy, “Are lau nyaran tinan ereu baha tondrok ta Kindrei?”

Metiu 18:3

Ano iy tiye i buku doh, “Jo tiye sahou handru ewek tado, buku none ado batubuni ndrine ado bwe, ma basahan buku none nah nadu bwisik dah bwe, ado winiyan bala bolo tondrok ta Kindrei bwe.

Metiu 18:5

Ya buku none ari ndramak abudon jo ya iy aseben ari nadu nah bwisik buku nah dah, badeh iy aseben jo.”

Tarou ta Mak 9:34

Arile, oro batiye randra sahou bwe, tasah oro adek san doh, oro le andres oro, ta are handru udu bwele-en toro mari.