Metiu 18:3 - Nyindrou

³ Ano iy tiye i buku doh, “Jo tiye sahou handru ewek tado, buku none ado batubuni ndrine ado bwe, ma basahan buku none nah nadu bwisik dah bwe, ado winiyan bala bolo tondrok ta Kindrei bwe.

Metiu 18:3 Referans Kwoze

1 Pita 2:2

Taha tana taha ta iri nah nadu bwisik badeh, anya ka-un le sur ta tine iri. Aha ka buku none le iri nah bwisik aso-ok sahou mwasin ta Kindrei, ta aseben aha ta ateh na len mari. Ya sahou tan doh bamalin ba-en bolo sahou ta wasai badu munyak dah bwe, sahou doh kameh mesekei aha ado mwasin hawen.

Metiu 19:14

Arile Jises tiye toro lau tan i buku doh, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh.”

1 Korin 14:20

Aha kawas tek, budon taha sala buku tiri nadu nah bwisik. Arile, i buku iri nadu nah bwisik badeh, tana iri ari kandriyen ndra-in bwe, aha lau mwan ma badih ta Kindrei badeh, kasahan buku le aliy. Ta kandriyen mwasin handru ja badeh, budon taha keme kasahan ki buku lau mwan ma badih en, iri tana iri ta lakou marakon doh.

Tarou ta Jon 3:5

Jises asehek i tan ja, “Jo tiye tam handru, ndramak winiyan bala bolo tondrok ta Kindrei bwe, buku badeu iy na gwa ma na Malawin Ndrabun, bwe.

Tarou ta Jon 3:3

Jises eme asumon bohon anya, “Jo tiye tam handru. Ari ndramak winiyan batou tondrok ta Kindrei bwe. Buku kato-ou iy san rasan ja, san ari le doh badeh, iy kameh winiyan anyolom tondrok ta Kindrei.”

Tarou ta Luk 13:24

“Ado badeh, kabadok ado ta ala madasan bwisik. Tasah, jo katiye tado kamwenen, iri lau solo-an anya kanone ta ala bolon, arile iri winiyan bwe.

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Aposel 28:27

Tasah, budon tiri lau doh badeh, ndrandra-i, ma ndranye iri ndrawoyah ta anuhun iri sahou, ma iri ndratubuluhi mada iri. Kora-on iri kanyolom iri lakou, ma kanuhun iri sahou, ma iri katanan kati sahou handru, ma iri katubuni ndrine iri, ma kame hawek, ma jo kameh bwidi iri asahan mwasin ja.’ ” Aisaya 6:9-10

Tarou ta Jon 1:51

Jises tiye i toro, “Jo tiye tado handru, ado kameh anyolom kandrah asak, ma iri angelo ta Kindrei kameh atah ala loken, ano atah ame andri bwele-e Nadu Ndramak Awas.”

Metiu 5:20

“Ya jo katiye tado, ado winiyan ala bolo tondrok ta Kindrei, arile i buku none budon tado handru, ma kandriyen mwasin tado winiyan basakalawi budon ma kandriyen mwasin tiri Parasi ma hawe iri lau ta leheya kandriyen ta Moses bwe, ado winiyan bala bolo tondrok ta Kindrei bwe.”

Tarou ta Luk 22:32

Arile, Saimon, jo badeh, ndrasolom ta budon handru tam sataku. Ya, i buku none ou taku, ou badeh, tubuni ndrinem ma ou aseben budon toro kirih ja.”

Tarou ta Mak 4:12

‘Iri kameh anuhun sahou san solo-an, arile iri kameh winiya bala tanan kati sahou handru bwe. Iri kameh anyolom san solo-an, arile iri kameh winiyan baseleyani ari lakou bwe. Koro-an iri katubuni ndrine iri ja ma Kindrei kameh sikine lomondra ndra-in tiri iu.’ ” Aisaya 6:9-10

2 Pita 1:11

Ma hawe ado kameh, Laban Jises Krais, ndramak ta aseben taha kameh sekesek tado laba tinan labai udu baha tondrok tan, udu le buku doh.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Metiu 19:23

Eme Jises tiye toro lau tan i buku doh, “Jo tiye handru ewek tado, idah kameh, boto-on labai ta ndramak tan lakou solo-an, i buku none iy anya kili bolo tondrok ta Kindrei!

Metiu 13:15

Tasah, ndrine iri ndraso, ma ndranye iri ndrawoyah ta anuhun sahou. Ya iri ndraturuki mada iri. Kora-on mada iri katou, ma ndranye iri kanuhun, ma budon tiri ki tanan, ya iri katubuni ndrine iri keme tek, ma jo kabwidi iri kamwenen ja.’ Aisaya 6:9-10

Metiu 6:16

Jises asehek ili le i buku doh, “Ki buku none ado anya kabeles ado ta nyamon, ado samekes teheya mada ado sandra-i sala buku iri lau ta wasai amekes. Ya iri lau ta wasai leheya mada iri ma teheya iri ta lau katou iri, kabeles iri ta nyamon. Jo katiye tado handru, oro ndrandrei sihine oro mara-ei ndrano kabwe.

Metiu 6:5

Jises asehek ili le i buku doh, “Na len ado anya kasolom, ado sasolom sala buku iri lau ta wasai, tasah iri lau ta wasai anya kasolom kameh, iri aseken ta ales ado loken ado bolo asiu ta salom, ma iri aseken ta amekes salom ado bolo bosoh tiri kon tinan ta lau katou iri. Ya jo katiye tado handru, oro ndrandrei sihine oro mara-ei ndrano kabwe.

Metiu 6:2

“Ya, i buku ado kadeu lakou ili tiri lau ndra-in, ado soloh ndrah ta lau katanan ado, ndri-iy, sala buku iri lau ta wasai amekes udu bolo asiu ta atukum, ma udu bolo iri kon tinan ale, ta iri lau kamasiye ma katudun oro. Jo katiye handru, oro ndrakohok sihine oro ndrano kabwe.

Metiu 5:18

“Jo tiye tado handru i buku doh: Idah kameh munyak ma kandrah kameh amai iu. Arile sese kono-o tarou ta batanau malen winiyan bamai ba-au bwe, winiya le lakou mari Kindrei anya kamekes, kasahan i handru.

Metiu 18:2

Eme Jises luhi nadu nah ari nadu bwisik eme ales ereu ndrokowa oro.

Metiu 18:4

Ndramak atehei budon tan asahan buku le nah, ndramak doh kameh nyaran asahan tinan ereu bolo tondrok ta Kindrei.