Metiu 18:23 - Nyindrou

²³ Ado kanuhun, tondrok ta Kindrei i buku none ari kabin anya kakohok iri luk oro lau tan ta gok mene andrei buku dinau udu minen, ma oro batehei saluwen bwe le.

Metiu 18:23 Referans Kwoze

Metiu 13:24

Jises asehek sahou sokek ari ja i toro. Iy asehek i buku doh, “Tondrok ta Kindrei i buku none le ndramak ari atah buwa wit mwasin le udu bilin tan.

La-ukei ta Pol atorou ili tiri lau badu kon Rom 14:12

Ya eme ta sendrehendreh ta aliy i buku doh: Idah kameh, taha ari ari kameh asehek sasah taha amekes ndra-in o mwasin i ta Kindrei.

Metiu 13:47

Jises asehek kundruh ili ja: “Sahou sokek ari ja i buku doh. Tondrok ta Kindrei i buku none le ari kubwin iri lau akahei ili bolo gwa li. Ya kubwin nane akohok iri ni buku liliy.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.

Metiu 25:14

“Tondrok ta Kindrei kameh i buku le ndramak ari anya kedek kili kon ari leheleh, ya iy luhi oro lohowan tan ya iy indrom luk tan ili toro ta oro katondrok.

Metiu 13:52

Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

Metiu 13:33

Jises asehek sahou sokek ari ja. Iy anya, “Ado kanuhun! Tondrok ta Kindrei kameh asahan buku none yis. Ari badih kuhi yis nane ma iy tubuni i hawe rahak ndrom tinan palawa. Iy tubuni ili ili winiya palawa mara-ei apus eme loken.”

Metiu 13:31

Jises asehek sahou sokek ari ja i toro. Iy asehek i buku doh, “Tondrok ta Kindrei badeh, i buku buwa kei ari iri aloh mastet. Ndramak ari kuhi buwa mastet ya iy ili tahiy in bolo bilin tan.

Metiu 25:1

“Tondrok ta Kindrei udu kandrah i buku le oro badih bihin ma ronoh. Ndramak ari anya ki tasou. Eme ma, iri badih bihin doh bwese-ei sun toro ta ala ndruni iy in san ma tiyani iy eme ta molak.

Metiu 7:24

Jises asehek ili le i buku doh, “Sendrehendreh ta aliy i buku doh: Are lau anuhun sahou tek dah ma iy in hamon ta aliy, iy i buku none ndramak tan budon mwasin, iy atah asiu tan udu bwele-e bek.

Metiu 18:24

Iy anya kamekes lakou doh le, iri tiyani ndramak ari eme hawen, iy kameh kisih luk ki hamon ki ta kabin nane na luk solo-an labai (K10,000,000).